புதிய கேஜெட்டுகள்

ஒப்போ நிறுவனம் தனது ரெனோ 11 மற்றும் ரெனோ 11 ப்ரோ ஸ்மார்ட்போன்களை இந்திய சந்தையில் அறிமுகம் செய்து இருக்கிறது. புதிய ரெனோ 11 சீரிஸ் மாடல்களில் 6.7 இன்ச் FHD+ 120Hz OLED ஃபிலெக்சிபில் ஸ்கிரீன் வழங்கப்பட்டு இருக்கிறது.

ரெனோ 10 போன்றே ரெனோ 11 மாடலிலும் டிமென்சிட்டி 7050 பிராசஸர், ரெனோ 11 ப்ரோ மாடலில் டிமென்சிட்டி 8200 பிராசஸர் வழங்கப்பட்டு இருக்கிறது. இந்த ஸ்மார்ட்போன்களில் ஆண்ட்ராய்டு 14 சார்ந்த கலர் ஒ.எஸ். 14 வழங்கப்படுகிறது. இரு ஸ்மார்ட்போன்களுக்கும் மூன்று ஒ.எஸ். அப்டேட்கள், நான்கு ஆண்டுகளுக்கு செக்யூரிட்டி அப்டேட்கள் வழங்கப்படுகின்றன.

புகைப்படங்களை எடுக்க 32MP டெலிபோட்டோ லென்ஸ், 8MP அல்ட்ரா வைடு கேமரா, 32MP செல்ஃபி கேமரா வழங்கப்பட்டு இருக்கிறது. ரெனோ 11 மாடலில் 50MP கேமராவும், ப்ரோ மாடலில் 50MP IMX890 சென்சாரும் வழங்கப்பட்டுள்ளது. ரெனோ 11 மற்றும் ரெனோ 11 ப்ரோ மாடல்களில் முறையே 5000 எம்.ஏ.ஹெச். பேட்டரி, 67 வாட் சூப்பர்வூக் சார்ஜிங் மற்றும் 4700 எம்.ஏ.ஹெச். பேட்டரி, 80 வாட் சூப்பர்வூக் சார்ஜிங் வழங்கப்பட்டு இருக்கிறது.

ஒப்போ ரெனோ 11 அம்சங்கள்:

6.7 இன்ச் FHD+ 2412x1080 பிக்சல் FHD+ OLED கர்வ்டு டிஸ்ப்ளே, 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 7050 பிராசஸர்

மாலி G68 MC4 GPU

8 ஜி.பி. ரேம், 128 ஜி.பி. / 256 ஜி.பி. மெமரி

ஆண்ட்ராய்டு 14 சார்ந்த கலர் ஒ.எஸ். 14

50MP பிரைமரி கேமரா, OIS

8MP அல்ட்ரா வைடு கேமரா

32MP டெலிபோட்டோ கேமரா

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ

5ஜி, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டரி

67 வாட் சூப்பர் வூக் ஃபாஸ்ட் சார்ஜிங்

ஒப்போ ரெனோ 11 ப்ரோ அம்சங்கள்:

6.7 இன்ச் FHD+ 2412x1080 பிக்சல் FHD+ AMOLED HDR 10+ டிஸ்ப்ளே, 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 8200 பிராசஸர்

மாலி G610 MC6 GPU

12 ஜி.பி. ரேம், 256 ஜி.பி. மெமரி

ஆண்ட்ராய்டு 14 சார்ந்த கலர் ஒ.எஸ். 14

50MP IMX890 பிரைமரி கேமரா, OIS

8MP அல்ட்ரா வைடு கேமரா

32MP டெலிபோட்டோ கேமரா

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ

5ஜி, ப்ளூடூத் 5.2

யு.எஸ்.பி. டைப் சி

4700 எம்.ஏ.ஹெச். பேட்டரி

80 வாட் சூப்பர் வூக் ஃபாஸ்ட் சார்ஜிங்

ஒப்போ ரெனோ 11 ஸ்மார்ட்போன் வேவ் கிரீன் மற்றும் ராக் கிரே என இரண்டு நிறங்களில் கிடைக்கிறது. இதன் 8 ஜி.பி. ரேம், 128 ஜி.பி. மெமரி மாடல் விலை ரூ. 29 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 31 ஆயிரத்து 999 என்றும் நிர்ணயம் செய்யப்பட்டு உள்ளது.

ரெனோ 11 ப்ரோ மாடல் பியல் வைட் மற்றும் ராக் கிரே நிறங்களில் கிடைக்கிறது. இதன் 12 ஜி.பி. ரேம், 256 ஜி.பி. மெமரி மாடல் விலை ரூ. 39 ஆயிரத்து 999 என நிர்ணயம் செய்யப்பட்டு உள்ளது.

இரு மாடல்களின் முன்பதிவு ப்ளிப்கார்ட் மற்றும் ஒப்போ இந்தியா ஆன்லைன் ஸ்டோரில் ஏற்கனவே துவங்கி நடைபெற்று வருகிறது. ரெனோ 11 ப்ரோ மாடலின் விற்பனை ஜனவரி 18-ம் தேதியும், ரெனோ 11 ப்ரோ விற்பனை ஜனவரி 25-ம் தேதியும் துவங்குகிறது.

சோனி மற்றும் ஹோண்டா நிறுவனங்கள் இணைந்து எலெக்ட்ரிக் கார் உருவாக்கும் பணிகளில் ஈடுபட்டு வருவது அனைவரும் அறிந்ததே. அஃபீலா எனும் பெயரில் உருவாகும் இந்த கார் உண்மையில் விற்பனைக்கு வருமா என்பது தற்போது வரை கேள்விக்குறியாகவே உள்ளது.

இந்த நிலையில், அமெரிக்காவின் லாஸ் வேகாஸ்-இல் நடைபெற்று வரும் சர்வதேச நுகர்வோர் மின்சாதன விழா (சி.இ.எஸ். 2024) நிகழ்வில் சோனி நிறுவனம் தனது எலெக்ட்ரிக் கார் எப்படி காட்சியளிக்கும் என்பதை வெளிப்படுத்தி இருக்கிறது. சோனியின் எலெக்ட்ரிக் கார் எப்படி இருக்கும் என்பதை விட, அந்நிறுவனம் காரை எப்படி மேடைக்கு கொண்டுவந்தது என்ற விஷயம் அனைவரையும் வியப்பில் ஆழ்த்தியது.

தற்போது வரை கான்செப்ட் வடிவில் இருக்கும் எலெக்ட்ரிக் கார் மாடலை சோனி நிறுவனம் தனது பிளேஸ்டேஷன் 5 டூயல் சென்ஸ் கண்ட்ரோலர் மூலம் மேடைக்கு கொண்டு வந்தது. கன்ட்ரோலர் மூலம் இயக்கப்பட்ட நிலையில், சோனியின் எலெக்ட்ரிக் கார் ரிமோட் முறையில் மேடைக்கு வந்ததை அங்கிருந்தவர்கள் ஆச்சரியத்துடன் பார்த்து ரசித்தனர்.

சோனியின் எலெக்ட்ரிக் காரில் உண்மையில் இதுபோன்ற வசதி வழங்கப்படுமா என்ற கேள்விக்கும் பதில் கிடைத்துவிட்டது. மேலும் இதுபோன்ற வசதி பயனர்களுக்கு வழங்கும் திட்டம் தற்போதைக்கு இல்லை என்றும் சோனி திட்டவட்டமாக தெரிவித்துவிட்டது.

மூன்று ஆண்டுகளாக தோற்றத்தில் எவ்வித மாற்றமும் இன்றி இந்த ஆண்டின் டெக் நிகழ்விலும் பங்கேற்ற அஃபீலா கார் பாதுகாப்பு தொழில்நுட்பங்கள் மற்றும் பொழுதுபோக்கு விஷயங்களில் மேம்படுத்தப்பட்டு இருப்பதாக சோனி மற்றும் ஹோண்டா நிறுவன அதிகாரிகள் தெரிவித்துள்ளனர். அதன்படி இந்த கார் அன்ரியல் என்ஜின் 5.3 பயன்படுத்துகிறது.

இன்டர்நெட் சார்ந்த மெட்டா டேட்டா கொண்டு பயனர்கள் 3டி மேப், விர்ச்சுவல் ஸ்பேஸ் மற்றும் ஆக்மென்டெட் ரியாலிட்டி வியூ போன்றவற்றை இயக்க முடியும். காரில் பயணிக்கும் போதும், கார் நிறுத்தப்பட்டு இருக்கும் நிலையிலும் பயணிகள் பொழுதுபோக்கிற்காக சோனியின் மீடியா கேட்டலாக் வழங்கப்படுகிறது.

அஃபீலாவில் உள்ள மல்டி கேமரா டிரைவர் அசிஸ்டன்ட் சிஸ்டம்களை தயார்ப்படுத்தும் வகையில் செயற்கை சுற்றுச்சூழல்களை அன்ரியல் என்ஜின் உருவாக்குகிறது. குவால்காம் மற்றும் மைக்ரோசாஃப்ட்-இன் அஸ்யூர் கம்ப்யூட்டிங், ஏ.ஐ. தொழில்நுட்ப உதவியோடு இந்த காரின் பாதுகாப்பு அம்சங்கள் உருவாக்கப்படுகின்றன.

சி.எம்.எஃப். பை நத்திங் பிராண்ட் கடந்த ஆண்டு வாட்ச் ப்ரோ பெயரில் ஸ்மார்ட்வாட்ச்-ஐ அறிமுகம் செய்தது. இந்த வாட்ச் டார்க் கிரே மற்றும் மெட்டாலிக் கிரே என இரண்டு நிறங்களில் விற்பனை செய்யப்பட்டு வருகிறது. தற்போது இந்த பிராண்ட் தனது ஸ்மார்ட்வாட்ச்-இன் சில்வர் எடிஷன் வேரியண்ட்-ஐ அறிமுகம் செய்துள்ளது.

மினிமலிஸ்ட் டிசைன் அடிப்படையில் உருவாகி இருக்கும் சில்வர் எடிஷனில் அலுமினியம் அலாய் வாட்ச் ஃபிரேம் உள்ளது. இத்துடன் லைட் கிரே நிற ஸ்டிரைப்கள் உள்ளன. புதிய எடிஷன் அறிமுகம் செய்யப்பட்டு இருப்பதால் வாடிக்கையாளர்கள் சில்வர், ஆரஞ்சு, டார்க் கிரே மற்றும் ஆஷ் கிரே போன்ற நிறங்களில் ஒன்றை தேர்வு செய்யும் ஆப்ஷன் கிடைத்திருக்கிறது.

இந்திய சந்தையில் சி.எம்.எஃப். வாட்ச் ப்ரோ சில்வர் எடிஷன் விற்பனை இந்த மாதமே துவங்க இருக்கிறது. விற்பனை ப்ளிப்கார்ட், மிந்த்ரா, க்ரோமா, விஜய் சேல்ஸ் மற்றும் ஜெனரல் டிரேட் உள்ளிட்ட தளங்களில் நடைபெற இருக்கிறது. இதன் விலை ரூ. 4 ஆயிரத்து 999 என்று நிர்ணயம் செய்யப்பட்டு உள்ளது.

அம்சங்களை பொருத்தவரை சி.எம்.எஃப். வாட்ச் ப்ரோ மாடலில் பாலிஷ்டு மெட்டல் ஃபிரேம், பக்கவாட்டில் டயல், பிளாஸ்டிக் பேக் உள்ளது. இத்துடன் 1.96 இன்ச் AMOLED டிஸ்ப்ளே, 24 மணி நேர ஹெல்த் டிராக்கிங், ரியல் டைம் ஹார்ட் ரேட் மற்றும் பிளட் ஆக்சிஜன் சேச்சுரேஷன் மானிட்டரிங், ஸ்லீப் மற்றும் ஸ்டிரெஸ் டிராக்கிங் போன்ற வசதிகள் உள்ளன.

110-க்கும் அதிக ஸ்போர்ட்ஸ் மோட்களை கொண்டிருக்கும் வாட்ச் ப்ரோ மாடல் ப்ளூடூத் காலிங் மற்றும் ஏ.ஐ. தொழில்நுட்பம் கொண்டிருக்கிறது. இந்த ஸ்மார்ட்வாட்ச் 340 எம்.ஏ.ஹெச். பேட்டரி மூலம் சக்தியூட்டப்படுகிறது. இதனை முழுமையாக சார்ஜ் செய்தால் 13 நாட்களுக்கான பேட்டரி பேக்கப் கிடைக்கிறது. மேலும் IP68 தர வாட்டர் ரெசிஸ்டன்ட் வசதி உள்ளது.

ஒபன்-ஏ.ஐ. நிறுவனத்தின் சாட்-ஜி.பி.டி. மற்றும் மைக்ரோசாஃப்ட் நிறுவனத்தின் கோபைலட் உள்ளிட்டவை அதிக பிரபலமடைந்து வரும் நிலையில், ஏற்கனவே உள்ள செயற்கை நுண்ணறிவு சேவைகளான சிரி மற்றும் கூகுள் அசிஸ்டண்ட் உள்ளிட்டவை பழையதாகிவிட்டன. சமீபத்திய சாட்பாட்கள் மனிதர்களை போன்ற உரையாடல்களை மேற்கொண்டு அசத்துகின்றன.

மேலும் பல்வேறு தலைப்புகளில் ஏராளமான கேள்விகளுக்கு பதில் அளிக்கின்றன. ஐ.ஒ.எஸ். மற்றும் ஆண்ட்ராய்டு தளங்களில் உள்ள டீஃபால்ட் அசிஸ்டன்ட்களுக்கு மாற்றாக சாட்-ஜி.பி.டி. செயலி மாறி வருகிறது. இந்த நிலையில், ஸ்மார்ட்போன்களில் கூகுள் அசிஸ்டன்ட் சேவைக்கு மாற்றாக சாட்-ஜி.பி.டி. சேவை விரைவில் வழங்கப்படலாம் என்று கூறப்படுகிறது.

சாட்-ஜி.பி.டி. ஆண்ட்ராய்டு செயலியின் சமீபத்திய வெர்ஷனில் உள்ள கோட்-களில் இருந்து, இந்த செயலி ஆண்ட்ராய்டு சாதனத்தில் டீஃபால்ட் அசிஸ்டன்ட் ஆக செட் செய்யப்படலாம் என்று கூறப்படுகிறது. கடந்த மாதம் வெளியிடப்பட்ட சாட்-ஜி.பி.டி. வெர்ஷன் 1.2023.352-இல் சேர்க்கப்பட்டு இருக்கும் புதிய ஆக்டிவிட்டியில் 'com.openai.voice.assistant.AssistantActivity' இடம்பெற்றுள்ளது.

இந்த ஆக்டிவிட்டி தானாக டிசேபில் செய்யப்பட்டுள்ளது. பயனர்கள் விரும்பும் பட்சத்தில் இதனை எனேபில் செய்ய முடியும். இதனை எனேபில் செய்ததும், திரையில் தற்போதைய சாட்-ஜி.பி.டி. அனிமேஷன் போன்றே காட்சியளிக்கும். இது மற்ற செயலிகளின் மேல் தோன்றும். அந்த வகையில், பயனர்கள் எந்த ஸ்கிரீனில் இருந்து கொண்டும் சாட்-ஜி.பி.டி.-யுடன் பேச முடியும்.

தற்போது சாட்-ஜி.பி.டி. சேவையை பயன்படுத்த பிரத்யேகமாக செயலியை இன்ஸ்டால் செய்ய வேண்டிய நிலை உள்ளது. இந்த சேவை டீஃபால்ட்-ஆக வரும் பட்சத்தில் பயனர்கள் தனியே செயலியை இன்ஸ்டால் செய்ய வேண்டிய அவசியம் இருக்காது.

விவோ நிறுவனத்தின் புதிய ஃபிளாக்ஷிப் ஸ்மார்ட்போன் மாடல்கள் இந்திய சந்தையில் அறிமுகம் செய்யப்பட்டன. விவோ X100 மற்றும் X100 ப்ரோ என்ற பெயரில் இவை விற்பனை செய்யப்பட உள்ளன. இவற்றில் 6.78 இன்ச் 1.5K, 120Hz Curved 8T LTPO AMOLED ஸ்கிரீன், 3000 நிட்ஸ் பீக் பிரைட்னஸ், மீடியாடெக் டிமென்சிட்டி 9300 பிராசஸர், அதிகபட்சம் 16 ஜி.பி. ரேம் வழங்கப்பட்டு இருக்கிறது.

இத்துடன் 50MP கஸ்டமைஸ் செய்யப்பட்ட IMX920 VCS பயோனிர் பிரைமரி கேமரா, 50MP அல்ட்ரா வைடு லென்ஸ், 64MP டெலிபோட்டோ பெரிஸ்கோப் கேமரா, மேக்ரோ ஆப்ஷன் வழங்கப்பட்டு இருக்கிறது. விவோ X100 ப்ரோ மாடலில் 50MP கஸ்டமைஸ் செய்யப்பட்ட IMX989 VCS பயோனிக் பிரைமரி கேமரா, OIS, 50MP செய்ஸ் சூப்பர் டெலிபோட்டோ பெரிஸ்கோப் கேமரா, மேக்ரோ ஆப்ஷன் வழங்கப்பட்டு உள்ளது.

விவோ X100 மற்றும் X100 ப்ரோ அம்சங்கள்:

6.78 இன்ச் 2800x1260 பிக்சல் 1.5K LPTO AMOLED ஸ்கிரீன்

டிமென்சிட்டி 9300 பிராசஸர்

இமார்டலிஸ் G720 GPU

12 ஜி.பி., 16 ஜி.பி. LPDDR5X ரேம்

256 ஜி.பி., 512 ஜி.பி. UFS 4.0 மெமரி

ஆண்ட்ராய்டு 14 சார்ந்த ஃபன்டச் ஒ.எஸ். 14

டூயல் சிம் ஸ்லாட்

விவோ X100 - 50MP பிரைமரி கேமரா, OIS, எல்.இ.டி. ஃபிளாஷ்

50MP அல்ட்ரா வைடு கேமரா

64MP டெலிபோட்டோ கேமரா

விவோ X100 ப்ரோ - 50MP பிரைமரி கேமரா, OIS, எல்.இ.டி. ஃபிளாஷ்

50MP அல்ட்ரா வைடு லென்ஸ்

50MP டெலிபோட்டோ கேமரா

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ

ஸ்டீரியோ ஸ்பீக்கர், ஹை-ஃபை ஆடியோ

டஸ்ட் மற்றும் வாட்டர் ரெசிஸ்டண்ட் (IP68)

5ஜி, டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

விவோ X100 - 5000 எம்.ஏ.ஹெச். பேட்டரி

120 வாட் அல்ட்ரா ஃபாஸ்ட் ஃபிளாஷ் சார்ஜிங்

விவோ X100 ப்ரோ - 5400 எம்.ஏ.ஹெச். பேட்டரி

100 வாட் அல்ட்ரா ஃபாஸ்ட் ஃபிளாஷ் சார்ஜிங்

50 வாட் வயர்லெஸ் சார்ஜிங், ரிவர்ஸ் வயர்லெஸ் சார்ஜிங்

விவோ X100 மாடல் ஆஸ்டிராய்டு பிளாக் மற்றும் ஸ்டார்டிரெயில் புளூ நிறங்களில் கிடைக்கிறது. விவோ X100 ப்ரோ மாடல் ஆஸ்டிராய்டு பிளாக் நிறத்தில் கிடைக்கிறது.

விவோ X100 மாடலின் 12 ஜி.பி. ரேம், 256 ஜி.பி. மெமரி மாடல் விலை ரூ. 63 ஆயிரத்து 999 என்றும் 16 ஜி.பி. ரேம், 512 ஜி.பி. மெமரி மாடல் விலை ரூ. 69 ஆயிரத்து 999 என்றும் நிர்ணயம் செய்யப்பட்டு உள்ளது. விவோ X100 ப்ரோ விலை ரூ. 89 ஆயிரத்து 999 ஆகும். 

போக்கோ பிரான்டு தனது அதிகம் எதிர்பார்க்கப்படும் போக்கோ X6 சீரிஸ் ஸ்மார்ட்போன்களின் இந்திய வெளியீட்டு தேதியை அறிவித்து இருக்கிறது. முன்னதாக இந்த ஸ்மார்ட்போனிற்கான டீசர்கள் பலமுறை வெளியான நிலையில், தற்போது இந்த தகவல் அறிவிக்கப்பட்டு இருக்கிறது. இத்துடன் புதிய போக்கோ X6 சீரிசில் 64MP பிரைமரி கேமரா, OIS வழங்கப்படும் என்று தெரிகிறது.

இந்திய சந்தையில் மீடியாடெக் டிமென்சிட்டி 8300 அல்ட்ரா பிராசஸர் கொண்ட முதல் ஸ்மார்ட்போனாக இது இருக்கும் என்று போக்கோ ஏற்கனவே அறிவித்துவிட்டது. இதே பிராசஸர் ரெட்மி K70E மாடலிலும் வழங்கப்பட்டு இருக்கிறது. அந்த வகையில், இது ரெட்மி ஸ்மார்ட்போனின் ரிபிரான்டு செய்யப்பட்ட வெர்ஷனாக இருக்கும் என்று தெரிகிறது.

இந்த மாடல் போக்கோ X6 ப்ரோ பெயரில் அறிமுகம் செய்யப்படும் என்றும் கூறப்படுகிறது. இதுவரை வெளியாகி இருக்கும் தகவல்களின் படி இந்த மாடலில் 6.67 இன்ச் 1.5K OLED ஸ்கிரீன், அதிகபட்சம் 1800 நிட்ஸ் பீக் பிரைட்னஸ், 120 ஹெர்ட்ஸ் ரிப்ரெஷ் ரேட், அதிகபட்சம் 12 ஜி.பி. ரேம், 512 ஜி.பி. மெமரி வழங்கப்படும் என்று கூறப்படுகிறது.

புகைப்படங்களை எடுக்க 64MP பிரைமரி கேமரா, 8MP அல்ட்ரா வைடு லென்ஸ், 2MP மேக்ரோ கேமரா வழங்கப்படலாம். இந்த ஸ்மார்ட்போன் 5500 எம்.ஏ.ஹெச். பேட்டரி, 67 வாட் ஃபாஸ்ட் சார்ஜிங் வசதி வழங்கப்படுகிறது. 

ஆப்பிள் நிறுவனம் தனது விஷன் ப்ரோ மாடலை அடுத்த ஆண்டு துவக்கத்தில் விற்பனைக்கு கொண்டு வருகிறது. விற்பனை விரைவில் துவங்க இருப்பதை ஒட்டி, ஆப்பிள் விஷன் ப்ரோ மாடலின் உற்பத்தி பணிகள் முழு வீச்சில் நடைபெற்று வருகின்றன. இந்த நிலையில், விஷன் ப்ரோ 2 மாடல் பற்றிய விவரங்கள் வெளியாக துவங்கியுள்ளன.

அதன்படி இரண்டாம் தலைமுறை விஷன் ப்ரோ மாடலில் சற்றே அதிநவீன மற்றும் பிரகாசமான டிஸ்ப்ளே வழங்கப்பட இருப்பதாக கூறப்படுகிறது. இதில் அதிக பிரகாசமான மற்றும் அதிக திறன் கொண்ட மைக்ரோ OLED டிஸ்ப்ளே வழங்கப்பட இருக்கிறது. இது ஒவ்வொரு கண்களிலும் வழக்கமான 4K டிவி மாடல்களில் இருப்பதை விட அதிக பிக்சல்களை கொண்டிருக்கும் என்று கூறப்படுகிறது.

இது குறித்து தென் கொரிய செய்திகளில் வெளியாகி இருக்கும் தகவல்களில், ஆப்பிள் விஷன் ப்ரோ 2 மாடலில் RGB OLEDoS டிஸ்ப்ளே வழங்கப்படும் என்று கூறப்படுகிறது. இந்த மாடல் 2027 வாக்கில் அறிமுகம் செய்யப்படும் என்றும் கூறப்படுகிறது. புதிய டிஸ்ப்ளேக்கள் தற்போதைய WOLED டிஸ்ப்ளேக்களை விட மேம்பட்டு இருக்கும் என்று தெரிகிறது.

தற்போது RGB OLEDoS ரக டிஸ்ப்ளேக்களை வினியோகம் செய்யும் ஒரே நிறுவனமாக சாம்சங் உள்ளது. அந்த வகையில், ஆப்பிள் நிறுவனம் தனது புதிய விஷன் ப்ரோ மாடலின் டிஸ்ப்ளே மாற்றுவதில் உறுதியாக இருந்தால், சாம்சங் டிஸ்ப்ளேக்களையே பயன்படுத்தும் என்று தெரிகிறது. முன்னதாக ஆப்பிள் ஐபோன் மாடல்களில் பயன்படுத்தப்படும் OLED டிஸ்ப்ளேக்களை சாம்சங் வழங்கி வருவது குறிப்பிடத்தக்கது.

ஐடெல் நிறுவனத்தின் முற்றிலும் புதிய A70 ஸ்மார்ட்போன் விரைவில் இந்திய சந்தையில் அறிமுகம் செய்யப்பட இருக்கிறது. இந்த ஸ்மார்ட்போன் 128 ஜி.பி. அல்லது 256 ஜி.பி. மெமரியுடன் அறிமுகமாகும் என்று தகவல் வெளியாகி வருகிறது. இந்த ஸ்மார்ட்போனின் டிசைன் பற்றிய விவரங்கள் ஏற்கனவே இணையத்தில் வெளியாகியுள்ளது.

அந்த வகையில், புதிய ஐடெல் A70 ஸ்மார்ட்போன் நான்குவித நிறங்களில் அறிமுகமாகும் என்றும் இதில் அளவில் பெரிய நாட்ச் வழங்கப்படுகிறது. மேலும் இது ரூ. 8 ஆயிரம் பட்ஜெட்டில் கிடைக்கும் முதல் 256 ஜி.பி. மெமரி கொண்ட ஸ்மார்ட்போன் என்ற பெருமையை பெறும் என்று கூறப்படுகிறது. இதுதவிர இந்த ஸ்மார்ட்போன் 128 ஜி.பி. மெமரி ஆப்ஷனிலும் கிடைக்கும் என்று தகவல் வெளியாகி உள்ளது.

இந்த ஸ்மார்ட்போனில் தடிமனான பெசல்கள், அகலமான டிஸ்ப்ளே நாட்ச், முன்புறம் எல்.இ.டி. ஃபிளாஷ், பவர் மற்றும் வால்யூம் பட்டன்கள் வலதுபுறமாகவும், இடதுபுறம் சிம் டிரே வழங்கப்படுகிறது. ஐடெல் A70 இந்திய வெளியீட்டு தேதி இதுவரை அறிவிக்கப்படவில்லை. முன்னதாக ஐடெல் நிறுவம் தனது A05s ஸ்மார்ட்போனின் 4 ஜி.பி. ரேம், 64 ஜி.பி. மெமரி மாடலை இந்திய சந்தையில் அறிமுகம் செய்தது.

ஐடெல் A05s 4 ஜி.பி. வெர்ஷனின் விலை ரூ. 6 ஆயிரத்து 099 என்று நிர்ணயம் செய்யப்பட்டு உள்ளது. இதே ஸ்மார்ட்போனின் 2 ஜி.பி. ரேம், 32 ஜி.பி. மெமரி மாடல் கடந்த அக்டோபர் மாதம் இந்திய சந்தையில் அறிமுகம் செய்யப்பட்டது. 

இந்திய தொழில்நுட்ப நிறுவனமான நாய்ஸ் முற்றிலும் புதிய ஒபன் வயர்லெஸ் ஸ்டீரியோவை (OWS) இந்திய சந்தையில் அறிமுகம் செய்தது. பியூர் பாட்ஸ் என்ற பெயரில் அறிமுகமாகி இருக்கும் புதிய OWS மிகக் குறைந்த எடையில் உருவாக்கப்பட்டு இருக்கிறது. மேலும் நீண்ட நேர பயன்பாடுகளின் போதும், எவ்வித அசவுகரியமும் ஏற்படாத வகையில் கச்சிதமான டிசைன் கொண்டிருக்கிறது.

பயனர் காதுகளில் சரியாக பொருந்திக் கொள்ளும் வகையில் மினமலிஸ்ட் டிசைன் கொண்டிருக்கும் பியூர் பாட்ஸ் ஏர் கன்டக்ஷன் பயன்படுத்தி சவுண்ட்-ஐ கடத்துகிறது. நாய்ஸ் பியூர் பாட்ஸ் மாடலில் ஏர் வேவ் தொழில்நுட்பம் கொண்டிருக்கிறது. இதில் உள்ள ஏர் கன்டக்ஷன் மெக்கானிசம் மேம்பட்ட ஆடியோ அனுபவம் வழங்குகிறது.

நாய்ஸ் பூயர் பாட்ஸ் மூலம் சுற்றுச்சூழலில் ஏற்படும் சத்தத்துடன் சக்திவாய்ந்த ஆடியோ அனுபவம் பெறலாம். இதில் உள்ள 16 மில்லிமீட்டர் நியோடிமியம் டைனமிக் டிரைவர்கள் முழு சார்ஜ் செய்தால் 80 மணி நேரத்திற்கு பிளேடைம் வழங்குகிறது. இதில் உள்ள இன்ஸ்டாசார்ஜ் அம்சம் பத்து நிமிடம் சார்ஜ் செய்தால் 180 நிமிடங்களுக்கு பேக்கப் வழங்குகிறது.

இதனுடன் கழற்றக்கூடிய பியூர் பேண்ட் வழங்கப்படுகிறது. இதை கொண்டு பாட்ஸ்-ஐ நெக்பேண்ட் போன்றும் மாற்றிக் கொள்ளலாம். நாய்ஸ் பியூர் பாட்ஸ் மாடலில் ப்ளூடூத் 5.3 வழங்கப்பட்டு இருக்கிறது. மேலும் குவாட் மைக் உள்ளதால், அழைப்புகளின் போதும் தலைசிறந்த ஆடியோ அனுபவம் கிடைக்கும். இத்துடன் IPX5 தர வாட்டர் ரெசிஸ்டண்ட் வசதி வழங்கப்பட்டு இருக்கிறது.

இந்திய சந்தையில் புதிய நாய்ஸ் பியூர் பாட்ஸ் ரூ. 2 ஆயிரத்து 999 விலையில் விற்பனைக்கு பட்டியலிடப்பட்டு உள்ளது. இதன் விற்பனை நாளை (டிசம்பர் 19) ப்ளிப்கார்ட் மற்றும் கோநாய்ஸ் வலைதளங்களில் துவங்குகிறது. இந்த பியூர் பாட்ஸ் மாடல் ஜென் பெய்க் மற்றும் பவர் பிளாக் என இரண்டு நிறங்களில் கிடைக்கிறது.

சியோமி நிறுவனத்தின் ரெட்மி நோட் 13 சீரிஸ் கடந்த செப்டம்பர் மாதம் சீன சந்தையில் அறிமுகம் செய்யப்பட்டன. இதில் ரெட்மி நோட் 13, ரெட்மி நோட் 13 ப்ரோ மற்றும் ரெட்மி நோட் 13 ப்ரோ பிளஸ் என மூன்று மாடல்கள் இடம்பெற்றுள்ளன. சீன வெளியீட்டை தொடர்ந்து ரெட்மி நோட் 13 சீரிஸ் இந்தியா மற்றும் சர்வதேச வெளியீடு பற்றிய தகவல்கள் வெளியாகி வந்தன.

இந்த நிலையில், ரெட்மி நோட் 13 சீரிஸ் இந்திய வெளியீட்டு தேதி அதிகாரப்பூர்வமாக அறிவிக்கப்பட்டு இருக்கிறது. அதன்படி ரெட்மி நோட் 13 சீரிஸ் மாடல்கள் ஜனவரி 4-ம் தேதி இந்திய சந்தையில் அறிமுகம் செய்யப்படுகிறது. சீனாவை போன்றே இந்தியாவிலும் ரெட்மி நோட் 13 சீரசின் மூன்று மாடல்களும் அறிமுகம் செய்யப்படலாம்.

எனினும், இது குறித்து சியோமி இந்தியா இதுவரை எந்த தகவலும் இல்லை. மாறாக, ரெட்மி நோட் 13 சீரிஸ் வெளியீட்டு தேதி அடங்கிய போஸ்டர் மற்றும் சிறப்பு வலைப்பக்கத்தை திறந்துள்ளது. இந்த வலைப்பக்கத்தில் ரெட்மி நோட் 13 சீரிஸ் இந்திய வெளியீட்டு தேதி மட்டுமே இடம்பெற்று இருக்கிறது.

இதுதவிர உலகம் முழுக்க 33.8 கோடி ரெட்மி நோட் சீரிஸ் மாடல்கள் விற்பனை செய்யப்பட்டுள்ளதாக குறிப்பிடப்பட்டு இருக்கிறது. சீன சந்தையில் ரெட்மி நோட் 13 சீரிஸ் மாடலின் விலை இந்திய மதிப்பில் ரூ. 13 ஆயிரத்து 900 என துவங்குகிறது. இதன் டாப் எண்ட் ரெட்மி நோட் 13 ப்ரோ பிளஸ் மாடலின் விலை இந்திய மதிப்பில் ரூ. 22 ஆயிரத்து 800 ஆகும். 

ஐடெல் நிறுவனம் கடந்த மார்ச் மாதம் A05s ஸ்மார்ட்போனினை அறிமுகம் செய்தது. மிகக் குறைந்த விலையில் அறிமுகம் செய்யப்பட்ட ஐடெல் A05s மாடல் 2 ஜி.பி. ரேம், 32 ஜி.பி. மெமரி மட்டுமே கொண்டிருந்தது. இந்த நிலையில், ஐடெல் நிறுவனம் தனது A05s மாடலின் 4 ஜி.பி. ரேம், 64 ஜி.பி. மெமரி மாடலை அறிமுகம் செய்து இருக்கிறது.

இந்த ஸ்மார்ட்போனில் 6.6 இன்ச் HD+ டிஸ்ப்ளே, 1600x720 பிக்சல் ரெசல்யூஷன், 60Hz ரிப்ரெஷ் ரேட், யுனிசாக் ஆக்டா கோர் பிராசஸர், 4000 எம்.ஏ.ஹெச். பேட்டரி, டைப் சி சார்ஜிங் வழங்கப்பட்டு இருக்கிறது. இத்துடன் 8MP பிரைமரி கேமரா, 5MP செல்ஃபி கேமரா வழங்கப்பட்டு உள்ளது.

கைரேகை சென்சார் கொண்டிருக்கும் ஐடெல் A05s மாடலில் பிரத்யேக மைக்ரோ எஸ்.டி. ஸ்லாட் உள்ளது. கனெக்டிவிட்டிக்கு டூயல் 4ஜி வோல்ட்இ, 3.5mm ஆடியோ ஜாக் வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 13 சார்ந்த ஒ.எஸ். கொண்டிருக்கிறது.

ஐடெல் A05s அம்சங்கள்:

6.6 இன்ச் HD+ டிஸ்ப்ளே, 1600x720 பிக்சல், 60Hz ரிப்ரெஷ் ரேட்

யுனிசாக் ஆக்டா கோர் பிராசஸர்

4 ஜி.பி. ரேம்

64 ஜி.பி. மெமரி

மெமரியை கூடுதலாக நீட்டிக்கும் வசதி

8MP பிரைமரி கேமரா, எல்.இ.டி. ஃபிளாஷ்

5MP செல்ஃபி கேமரா

டூயல் 4ஜி வோல்ட்இ, வைபை, ப்ளூடூத்

4000 எம்.ஏ.ஹெச். பேட்டரி

5 வாட் அடாப்டர்

கைரேகை சென்சார், ஃபேஸ் அன்லாக்

3.5mm ஆடியோ ஜாக்

இந்திய சந்தையில் புதிய ஐடெல் A05s மாடலின் விலை ரூ. 6 ஆயிரத்து 099 என்று நிர்ணயம் செய்யப்பட்டு உள்ளது. இந்த மாடல் க்ரிஸ்டல் புளூ, குளோரியஸ் ஆரஞ்சு, மீடோ கிரீன் மற்றும் நெபுளா பிளாக் போன்ற நிறங்களில் கிடைக்கிறது. 

போக்கோ பிராண்டின் போக்கோ C65 ஸ்மார்ட்போன் கடந்த மாதம் சர்வதேச சந்தையில் அறிமுகம் செய்யப்பட்டது. பட்ஜெட் பிரிவில் அறிமுகமான போக்கோ C65 விரைவில் இந்திய சந்தையிலும் அறிமுகமாகிறது. அதன்படி டிசம்பர் 15-ம் தேதி போக்கோ C65 இந்தியாவில் அறிமுகமாகும் என்று அறிவிக்கப்பட்டு இருக்கிறது.

இது தொடர்பான அறிவிப்பை போக்கோ இந்தியா பிராண்டு தனது எக்ஸ் பதிவில் வெளியிட்டு உள்ளது. போக்கோ C65 டீசர்களில் இந்த மாடல் அதன் சர்வதேச வேரியண்டை போன்றே காட்சியளிக்கும் என தெரியவந்துள்ளது. மேலும் இந்த ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்படும் என்றும் அறிவிக்கப்பட்டு இருக்கிறது.

போக்கோ C65 அம்சங்கள்:

6.74 இன்ச் டிஸ்ப்ளே, வாட்டர் டிராப் நாட்ச், 90Hz ரிப்ரெஷ் ரேட்

மீடியாடெக் ஹீலியோ ஜி85 பிராசஸர்

அதிகபட்சம் 8 ஜி.பி. ரேம், 256 ஜி.பி. மெமரி

மெமரியை கூடுதலாக நீட்டிக்கும் வசதி

பக்கவாட்டில் கைரேகை சென்சார்

50MP பிரைமரி கேமரா

2MP மேக்ரோ லென்ஸ்

8MP செல்ஃபி கேமரா

3.5mm ஹெட்போன் ஜாக், வைபை, ப்ளூடூத்

யு.எஸ்.பி. டைப் சி போர்ட்

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங்