சூடான் விமான நிலையத்தில் இரண்டு ராணுவ விமானங்கள் மோதல்

கர்த்தூம்:

சூடான் நாட்டின் தலைநகர் கர்த்தூமில் உள்ள பிரதான விமான நிலையத்தில் இருந்து ராணுவ போக்குவரத்து விமானங்கள் இயக்கப்படுகின்றன. அவ்வகையில் நேற்று இரண்டு ராணுவ போக்குவரத்து விமானங்கள் இந்த விமான நிலையத்தில் தரையிறங்கும்போது ஒன்றுடன் ஒன்று மோதி விபத்துக்குள்ளாகின.

இந்த விபத்தில் அதிர்ஷ்டவசமாக உயிர்ச்சேதம் ஏதும் ஏற்படவில்லை. ஆனால் 8 பேர் காயமடைந்ததாக உள்ளூர் இணையதளத்தில் செய்தி வெளியானது.

விமானங்கள் மோதி விபத்துக்குள்ளானதையடுத்து முன்னெச்சரிக்கை நடவடிக்கையாக விமான நிலையம் மூடப்பட்டது. சர்வதேச விமானங்கள் போர்ட் சூடான் விமான நிலையத்திற்கு திருப்பி விடப்பட்டன. இந்த விபத்து தொடர்பான வீடியோ சமூக வலைத்தளத்தில் வெளியாகி உள்ளது. #SudanAirport #PlanesCollided