ஆப்கானிஸ்தானில் தற்கொலை படை தாக்குதலில் நாட்டோ படைவீரர்கள் 3 பேர் பலி

காபுல்:

ஆப்கானிஸ்தானின் கிழக்கு பகுதியில் பர்வான் மாகாணம் அமைந்துள்ளது. இதன் தலைநகர் சாரிகரில் உள்ள கலாசய் பகுதியில் வெளிநாட்டின் நாட்டோ படையினரை குறிவைத்து தற்கொலைப் படையினர்  இன்று திடீர் தாக்குதல் நடத்தினார்கள்.

இந்த தாக்குதலில் 3 வீரர்கள் பரிதாபமாக  உயிரிழந்தனர். மேலும், நாட்டோ படையை சேர்ந்த அமெரிக்கர் ஒருவர் மற்றும் இரண்டு ஆப்கானிஸ்தான் படைவீரர்கள் என மொத்தம் 3 பேர் படுகாயம் அடைந்தனர் என அதிகாரிகள் தெரிவித்தனர்.

இந்த தாக்குதல் எப்படி நடந்தது என்பதை பற்றி விசாரணை நடைபெற்று வருவதாகவும் கூறினர்.

இந்த தாக்குதலுக்கு ஐ.எஸ். பயங்கரவாத இயக்கத்தினர் பொறுப்பேற்றுள்ளனர். சமீப காலமாக ஆப்கானிஸ்தானில் தலிபான் தாக்குதல் அதிகரித்துள்ளது குறிப்பிடத்தக்கது.