காஞ்சிபுரத்தில் திமுக வேட்பாளர் செல்வம் வெற்றி

காஞ்சிபுரம்:

தமிழ்நாட்டில் உள்ள 38 பாராளுமன்ற தொகுதி மற்றும் புதுச்சேரி ஆகிய 39 தொகுதிகளுக்கு கடந்த ஏப்ரல் மாதம் 18-ந்தேதி ஓட்டுப்பதிவு நடந்தது. வேலூர் தொகுதிக்கு மட்டும் தேர்தல் நடைபெறவில்லை.

நேற்று காலை ஓட்டு எண்ணிக்கை தொடங்கியது. தொடக்கத்தில் இருந்தே தி.மு.க. கூட்டணி அதிக இடங்களில் முன்னணிலை பெற்றது.

காஞ்சிபுரம் தொகுதியில் 16,43,656, மொத்த வாக்காளர்கள் ஆவர். இதில் 12,14,086 வாக்குகள் பதிவானது.

தி.மு.க. வேட்பாளர் ஜி.செல்வம் 6,84,004 வாக்குகள் பெற்று வெற்றி பெற்றார்.

அ.தி.மு.க. வேட்பாளர் மரகதம் 3,97,372 வாக்குகள் பெற்று இரண்டாம் இடத்தில் உள்ளார். நாம் தமிழர் கட்சி வேட்பாளர் சிவரஞ்சினி 62,771, அமமுக வேட்பாளர் ராஜசேகரன் 55,213 வாக்குகள் பெற்றுள்ளனர். காஞ்சிபுரம் தொகுதியில் மக்கள் நீதி மய்யம் போட்டியில்லை.