search icon
என் மலர்tooltip icon

    செய்திகள்

    நெசவுத்தொழிலை பாதுகாக்க அ.தி.மு.க.வை வெற்றி பெறச் செய்யுங்கள்- அமைச்சர் ராஜேந்திர பாலாஜி
    X

    நெசவுத்தொழிலை பாதுகாக்க அ.தி.மு.க.வை வெற்றி பெறச் செய்யுங்கள்- அமைச்சர் ராஜேந்திர பாலாஜி

    நெசவுத்தொழிலை பாதுகாக்க அ.தி.மு.க.வை வெற்றி பெறச் செய்யுங்கள் என்று பிரசாரத்தின் போது அமைச்சர் ராஜேந்திர பாலாஜி தெரிவித்தார். #LSPolls
    ஸ்ரீவில்லிபுத்தூர்:

    தென்காசி பாராளுமன்ற தொகுதியில் அ.தி.மு.க. கூட்டணியில் இடம் பெற்றுள்ள புதிய தமிழகம் நிறுவனத்தலைவர் டாக்டர் கிருஷ்ணசாமி போட்டியிடுகிறார்.

    அவரை ஆதரித்து ஸ்ரீவில்லிபுத்தூர் தொகுதியில் அமைச்சர் ராஜேந்திர பாலாஜி தேர்தல் பிரசாரம் செய்தார். அப்போது அவர் பேசியதாவது:-

    தென்காசி தொகுதியில் போட்டியிடும் டாக்டர் கிருஷ்ணசாமியை வெற்றிபெறச் செய்தால் ஸ்ரீவில்லிபுத்தூர் மக்கள் குரல் பாராளுமன்றத்தில் ஒலிக்கும். அனைத்து சமுதாய மக்களின் ஆதரவை பெற்ற டாக்டர் கிருஷ்ணசாமிக்கு வாக்காளர்கள் இரட்டை இலை சின்னத்தில் வாக்களிக்க வேண்டும்.

    நெசவு தொழிலாளர்களுக்கு கூலி உயர்வு, நெசவு தொழிலில் தற்போதுள்ள நூல் பிரச்சனைகள் குறித்து தமிழக முதல்வரின் கவனத்திற்கு கொண்டு சென்றுள்ளோம்.

    தொழிலாளர்களுக்கு விரைவில் கூலி உயர்வு வழங்க நடவடிக்கை எடுக்கப்பட்டு வருகிறது. இது குறித்து நெசவாளர்கள் சங்கங்கள் மூலம் பேச்சுவார்த்தை நடத்தியுள்ளோம். நெசவு தொழிலை பாதுகாக்க டாக்டர் கிருஷ்ணசாமியை வெற்றிபெற செய்ய வைத்து பாராளுமன்றத்திற்கு அனுப்பி வையுங்கள்.

    இவ்வாறு அவர் பேசினார்.

    தேர்தல் பிரசாரத்தில் அமைச்சர்களுடன் வேட்பாளர் டாக்டர் கிருஷ்ணசாமி, சந்திரபிரபா எம். எல்.ஏ., மற்றும் அ.தி.மு.க. நிர்வாகிகள், கூட்டணி கட்சி நிர்வாகிகள் சென்று வாக்கு சேகரித்தனர்.
    Next Story
    ×