search icon
என் மலர்tooltip icon

    செய்திகள்

    கீழ்ப்பாக்கம் நேருபூங்கா மெட்ரோ ரெயில் நிலையத்தில் பிளாட்பாரத்தில் பாதுகாப்பு கதவுகள் அமைக்கப்பட்டுள்ள காட்சி.
    X
    கீழ்ப்பாக்கம் நேருபூங்கா மெட்ரோ ரெயில் நிலையத்தில் பிளாட்பாரத்தில் பாதுகாப்பு கதவுகள் அமைக்கப்பட்டுள்ள காட்சி.

    விபத்து, தற்கொலையை தடுக்க 128 மெட்ரோ ரெயில் நிலையங்களில் பாதுகாப்பு திரைக்கதவுகள்

    2-வது கட்ட மெட்ரோ திட்டத்தில் 128 மெட்ரோ ரெயில் நிலையங்களில் விபத்து, தற்கொலையை தடுக்க பாதுகாப்பு திரைக் கதவுகள் அமைக்கப்படுகிறது. #MetroTrain
    சென்னை:

    சென்னை மாநகர போக்குவரத்து நெருக்கடியை குறைப்பதற்காகவும், விரைவு பயணத்துக்காகவும் மெட்ரோ ரெயில் திட்டம் உருவாக்கப்பட்டது.

    முதல்கட்டமாக கோயம்பேடு - ஆலந்தூர், சின்னமலை - விமான நிலையம் வரை உயர்மட்ட பாதையிலும், திருமங்கலம் - வண்ணாரப்பேட்டை, சைதாப்பேட்டை - சென்ட்ரல் வரை சுரங்கப் பாதையிலும் மெட்ரோ ரெயில் சேவை நடந்து வருகிறது.

    2-வது கட்டமாக மாதவரம் - சிறுசேரி வரை 118 கி. மீட்டர் தூரத்துக்கு ரூ.69,180 கோடி செலவில் வழித்தடப்பாதை உருவாக்கப்படுகிறது. இதில் 80 மெட்ரோ ரெயில் நிலையங்கள் உயர்மட்ட பாதையிலும், 48 ரெயில் நிலையங்கள் சுரங்கப் பாதையிலும் அமைக்கப்படுகிறது.

    புதிதாக அமைக்கப்படும் 128 மெட்ரோ ரெயில் நிலையங்களில் விபத்து, தற்கொலையை தடுக்க பிளாட்பாரங்களில் பயணிகள் பாதுகாப்பு திரைக்கதவுகள் அமைக்கப்படுகிறது.

    இந்த திரைக்கதவுகள் அமைப்பதன் மூலம் தண்டவாள பகுதிக்கு பயணிகள் எளிதில் செல்ல முடியாது. தற்கொலை, விபத்துக்கள் தடுக்கப்படும்.

    மேலும் மெட்ரோ ரெயில் நிலையங்களில் இருந்து ஏ.சி., குளிர் காற்று சுரங்க தண்டவாள பகுதிக்கு வீணாக வெளியே செல்வது கட்டுப்படுத்தப்படும். இதன் மூலம் மின்சார செலவு குறையும்.

    இது குறித்து மெட்ரோ ரெயில் அதிகாரி ஒருவர் கூறியதாவது:-

    2-வது கட்ட மெட்ரோ ரெயில் திட்டத்தில் 128 மெட்ரோ ரெயில் நிலையங்களில் பயணிகள் பாதுகாப்புக்காக திரைக்கதவுகள் அமைக்கப்படுகிறது.

    மெட்ரோ ரெயில் நிலையங்களில் தண்டவாள பகுதிகளில் பயணிகள் தற்கொலை, விபத்துக்களை தடுக்க இந்த வசதி உருவாக்கப்படுகிறது.

    மெட்ரோ ரெயில் நிலையங்களில் பயணிகள் குளிர்சாதன வசதிக்காக அமைக்கப்பட்டுள்ள குளிர்காற்று வீணாவது தடுக்கப்படும்.

    இதன் மூலம் குளிர் சாதனத்துக்கான மின்சார கட்டண செலவு குறையும்.

    இவ்வாறு அவர் கூறினார். #MetroTrain
    Next Story
    ×