மேட்டூர் அணை நீர்மட்டம் 10 நாளில் 10 அடி சரிவு

சேலம்:

கர்நாடகாவில் காவிரி நீர்பிடிப்பு பகுதிகளில் மழை குறைந்ததால் மேட்டூர் அணைக்கு நீர்வரத்து படிப்படியாக சரிந்து வருகிறது.

நேற்று 6 ஆயிரத்து 99 கன அடியாக இருந்த நீர்வரத்து இன்று மேலும் சரிந்து 5 ஆயிரத்து 462 கன அடியாக வந்து கொண்டிருக்கிறது.

அணையில் இருந்து காவிரி டெல்டா பாசனத்திற்காக 22 ஆயிரத்து 800 கன அடி தண்ணீர் திறந்து விடப்பட்டுள்ளது. அணைக்கு வரும் தண்ணீரை விட அணையில் இருந்து கூடுதல் தண்ணீர் திறந்து விடப்படுவதால் அணையின் நீர்மட்டம் தினமும் ஒரு அடிக்கு மேல் சரிந்து வருகிறது.

கடந்த 14-ந் தேதி 115 கன அடியாக இருந்த மேட்டூர் அணையின் நீர்மட்டம் படிப்படியாக சரிந்து இன்று 105.62 அடியாக இருந்தது. இதனால் கடந்த 10 நாட்களில் நீர்மட்டம் 10 அடி குறைந்துள்ளது குறிப்பிடத்தக்கது. #MetturDam