ராமதாஸ் முன்னிலையில் நடிகர் ரஞ்சித் பா.ம.க.வில் இணைந்தார்

திண்டிவனம்:

நட்புக்காக, பாண்டவர் பூமி, நேசம்புதுசு உள்பட பல்வேறு படங்களில் நடித்திருப்பவர் நடிகர் ரஞ்சித். இவர் இன்று மதியம் திண்டிவனம் அருகே உள்ள தைலாபுரம் தோட்டத்துக்கு சென்றார்.

அங்கு பா.ம.க. நிறுவனர் டாக்டர் ராமதாஸ் முன்னிலையில் பா.ம.க. கட்சியில் இணைந்தார். இதனைத்தொடர்ந்து டாக்டர் ராமதாஸ் நடிகர் ரஞ்சித்துக்கு பா.ம.க.வில் மாநில துணைத்தலைவராக பொறுப்பு வழங்கினார்.

பா.ம.க.வில் இணைந்தது குறித்து நடிகர் ரஞ்சித் கூறியதாவது:-

டாக்டர் ராமதாஸ் எனது தந்தையை போன்றவர். பா.ம.க.வில் அடிமட்ட தொண்டனாக இருந்து செயல்படுவேன். தமிழகத்தின் முதல்வராக அன்புமணி ராமதாஸ் வருவதற்கு பாடுபடுவேன்.

வாழ்க்கையில் நிறைய வி‌ஷயங்கள் உள்ளது. தமிழகத்தில் ஆட்சியாளர்கள் கொள்ளையடித்து வருகிறார்கள்.

இவ்வாறு அவர் கூறினார். #PMK #Ramadoss #Ranjith