என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
மெட்ரோ ரெயில் நவீன மொபைல்-ஆப் வசதி
சென்னை:
சென்னை மாநகர போக்குவரத்து நெரிசலை குறைப்பதற்காகவும் விரைவு பயணத்துக்காகவும் மெட்ரோ ரெயில் திட்டம் உருவாக்கப்பட்டது.
கோயம்பேடு - ஆலந்தூர், சின்னமலை-விமான நிலையம் வரை உயர்மட்ட பாதையிலும், திருங்கலம் - சென்ட்ரல், சைதாப்பேட்டை - டி.எம்.எஸ். வரை சுரங்கப்பாதையிலும் மெட்ரோ ரெயில் சேவை நடந்து வருகிறது.
பொது மக்கள் - பயணிகள் இடையே மெட்ரோ ரெயிலுக்கு வரவேற்பு ஏற்பட்டதையொட்டி சென்னை மாநகரம் முழுவதும் மெட்ரோ ரெயில் திட்டப் பணிகள் விரிவுப் படுத்தப்பட்டு வருகிறது.
மெட்ரோ ரெயிலில் தினமும் பல ஆயிரக்கணக்கான பயணிகள் பயணம் செய்து வருகிறார்கள். பயணத்தின் போது பயணிகளுக்கு ஏற்படும் பிரச்சினைகள், குறைகள் குறித்து உடனடியாக தீர்க்க மெட்ரோ ரெயில் நிர்வாகம் சார்பில் தற்போது நவீன மொபைல்-ஆப் வசதி அமைக்கப்பட்டுள்ளது.
ஸ்மார்ட் போன், டேப், லேப்டாப்களில் இந்த வசதிகளை டவுன்லோடு செய்து கொள்ளலாம்.
பயணத்தின் போது ஏற்படும் பிரச்சினைகள், குறைகளை இதில் பதிவு செய்யலாம். குறைகள் மீது உடனுக்குடன் நடவடிக்கை எடுத்து தீர்வு காணப்படும்.
இது குறித்து மெட்ரோ அதிகாரி ஒருவர் கூறியதாவது:-
சென்னை மெட்ரோ ரெயிலில் பயணிகள் குறைகளை தீர்க்க புதிதாக நவீன மொபைல்-ஆப் வசதிகள் ஏற்படுத்தப்பட்டுள்ளது. மெட்ரோ பயணத்தின்போது பயணிகளுக்கு ஏற்படும் பிரச்சினைகள், குறைகளை இந்த ‘ஆப்’ மூலம் பதிவு செய்யலாம்.
அதிகாரிகள் குழு இது குறித்து உடனடியாக நடவடிக்கை எடுத்து குறைகளை தீர்த்து வைப்பார்கள். இதன் மூலம் மெட்ரோ ரெயில் பயணிகள் பாதுகாப்பான பயணம் செய்து பயன்பெறுவார்கள்.
இவ்வாறு அவர் கூறினார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்