என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
கேரளாவில் கன மழை நீடிப்பு - தமிழக வாகனங்களை திருப்பி அனுப்பும் போலீசார்
மேலசொக்கநாதபுரம்:
கேரளாவில் கடந்த 8-ந் தேதி முதல் கன மழை கொட்டி வருகிறது. இதனால் இடுக்கி, வயநாடு உள்பட பல்வேறு மாவட்டங்களை வெள்ளம் சூழ்ந்துள்ளது. பல இடங்களில் நிலச்சரிவும் ஏற்பட்டுள்ளதால் அங்கு இயல்பு வாழ்க்கை கடுமையாக பாதிக்கப்பட்டுள்ளது.
37-க்கும் மேற்பட்டோர் உயிரிழந்துள்ள நிலையில் மீண்டும் தொடர் மழை நீடித்து வருகிறது. இதனால் தமிழகத்தில் இருந்து கேரளாவிற்கு செல்லும் வாகனங்கள் போடி அருகில் உள்ள முந்தல் சோதனைச் சாவடியில் திருப்பி விடப்படுகின்றன.
தோட்ட தொழிலாளர்கள் போடி அருகில் உள்ள சிலமலை, சில்லமரத்துப்பட்டி, ராசிங்காபுரம், மீனாட்சிபுரம், ஓடைப்பட்டி உள்பட 31 கிராமங்களில் இருந்து சுமார் 3 ஆயிரத்திற்கும் மேற்பட்ட தோட்ட தொழிலாளர்கள் கேரளாவிற்கு செல்கின்றனர்.
இவர்கள் போடி மெட்டு வழியாக அடிமாலி, இடுக்கி, பூப்பாறை, பேத்தொட்டி, சாந்தாம்பாறை, ஆனையிறங்கி அணை, மூணாறு உள்ளிட்ட பல்வேறு பகுதிகளில் உள்ள ஏலக்காய் தோட்டங்களுக்கு வேலைக்கு செல்கின்றனர்.
அதிகாலையில் பணிக்கு செல்லும் இவர்கள் மாலையில் ஜீப் மூலம் மலைச்சாலையில் வீடு திரும்புவார்கள். பல இடங்களில் நிலச்சரிவு ஏற்பட்டு வருவதாலும் கன மழை நீடித்து வருவதாலும் தோட்ட தொழிலாளர்கள் யாரும் வரவேண்டாம் என அறிவுறுத்தப்பட்டுள்ளது.
இதனால் முந்தல் சோதனைச்சாவடியில் இன்று முதல் கூடுதல் போலீசார் நிறுத்தப்பட்டு தமிழகத்தில் இருந்து கேரளாவிற்கு செல்லும் வாகங்கள் திருப்பி அனுப்பப்பட்டு வருகின்றன. இதனால் ஆயிரக்கணக்கான தொழிலாளர்கள் வேலை இழந்துள்ளனர். மேலும் 4 நாட்கள் மழை நீடிக்கும் என எதிர்பார்க்கப்படுவதால் அதுவரை தொழிலாளர்கள் பணிக்கு வரவேண்டாம் எனவும் தெரிவிக்கப்பட்டுள்ளது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்