சென்னை:
சென்னை எழும்பூர்- மதுரைக்கு இயக்கப்படும் பாண்டியன் எக்ஸ்பிரஸ், எழும்பூர்- திருச்சி சோழன் எக்ஸ்பிரஸ் மற்றும் மலைக்கோட்டை எக்ஸ்பிரஸ்ஆகியவற்றில் இரண்டாம் வகுப்பு படுக்கை வசதி கொண்ட ஒரு பெட்டி நீக்கப்பட உள்ளது. அதற்கு பதிலாக 3 அடுக்கு குளிர்சாதன பெட்டி ஒன்று இணைக்கப்படுகிறது.
இந்த மாற்றம் மதுரையில் இருந்து எழும்பூருக்கு இயக்கப்படும் பாண்டியன் எக்ஸ்பிரசில் 20-ந்தேதியும், எழும்பூர்- மதுரைக்கு புறப்படும் பாண்டியன் எக்ஸ்பிரசில் 23-ந்தேதியும் அமல்படுத்தப்பட உள்ளது.
எழும்பூர்- திருச்சிக்கு இயக்கப்படும் சோழன் எக்ஸ்பிரசில் 21-ந்தேதியும், திருச்சி- எழும்பூருக்கு இயக்கப்படும் சோழன் எக்ஸ்பிரசில் 23-ந்தேதி பெட்டி மாற்றம் செய்யப்படுகிறது.
எழும்பூர்- திருச்சிக்கு இயக்கப்படும் மலைக்கோட்டை ரெயிலில் 22-ந் தேதியும், திருச்சி- எழும்பூருக்கு இயக்கப்படும் எக்ஸ்பிரசில் 21-ந்தேதியும் அமல்படுத்தப்படுகிறது என்று தெற்கு ரெயில்வே செய்தி குறிப்பில் தெரிவித்துள்ளது.
