search icon
என் மலர்tooltip icon

    செய்திகள்

    இது 9-வது முறை: டாஸில் ராசியில்லாத விராட் கோலி சைகை மூலம் சக வீரர்களுக்கு காட்டிய வீடியோ
    X

    இது 9-வது முறை: டாஸில் ராசியில்லாத விராட் கோலி சைகை மூலம் சக வீரர்களுக்கு காட்டிய வீடியோ

    ஐபிஎல் சீசன் 2019-ல் 9-வது முறையாக டாஸ் தோற்றதை, சைகை மூலம் சக வீரர்களுக்கு ஆர்சிபி கேப்டன் விராட் கோலி காட்டிய வீடியோ வைரலாகி வருகிறது.
    டாஸ் வெல்வதில் அதிர்ஷ்டம் இல்லாத கேப்டன் விராட் கோலி என்றால் அது மிகையாகாது. சர்வதேச போட்டி என்றாலும், ஐபிஎல் என்றாலும் அவருக்கும் டாஸுக்கும் எப்போதுமே பொருந்தாத கூட்டணியாகவே திகழ்கிறது.

    இன்றைய போட்டிக்கு முன் ஆர்சிபி 11 ஆட்டத்தில் 8 முறை டாஸ் தோற்றுள்ளது. பெங்களூர், வான்கடே, சென்னை போன்ற மைதானத்தில் டாஸ் முக்கிய பங்கு வகித்தது. அதில் டாஸ் தோற்றது அணியில் தோல்விக்கு முக்கிய பங்கு வகித்தது. தொடர்ந்து 6 போட்டிகளில் தோல்வியடைந்த பின்னர் நான்கு போட்டிகளில் ஆர்சிபி வெற்றி பெற்றுள்ளது.

    டெல்லிக்கு எதிராக இன்றைய ஆட்டத்தில் ஆர்சிபி மோதும் பெரோஸ் ஷா கோட்லா மைதானம் 2-வது பேட்டிங் செய்யும்போது ‘ஸ்லோ’ ஆகிவிடும். இதனால் டாஸ் வெல்லும் முதலில் பேட்டிங் செய்யவே விரும்பும் என கணிக்கப்பட்டது.

    இன்றைய போட்டியில் டாஸ் சுண்டப்பட்டபோது டெல்லி கேப்டன் ஷ்ரேயாஸ் அய்யர் டாஸ் வென்றார். உடனே, விராட் கோலி ஆர்சிபி வீரர்களை நோக்கி 9-வது முறையாக டாஸ் தோற்றுள்ளோம் என்பதை சைகை மூலம் காண்பித்தார்.

    இந்த வீடியோ வைரலாகி வருகிறது. அதை நீங்களும் காணுங்கள்....
    Next Story
    ×