ஆசிய பேட்மிண்டன் சாம்பியன்ஷிப்: பிவி சிந்து, சாய்னா நேவால், சமீர் வர்மா காலிறுக்கு முன்னேற்றம்

ஆசிய பேட்மிண்டன் சாம்பியன்ஷிப்பில் காலிறுதிக்கு முந்தைய சுற்றில் இந்தியாவின் முன்னணி வீராங்கனைகளில் ஒருவரான பிவி சிந்து இந்தோனேசியாவின் சொய்ருன்சியாவை எதிர்கொண்டார். இதில் பிவி சிந்து 21-15, 21-19 என நேர்செட் கணக்கில் வெற்றி பெற்று காலிறுதிக்கு முன்னேறினார். பிவி சிந்து காலிறுதியில் சீனாவின் காய் யன்யன்-ஐ எதிர்கொள்கிறார்.

மற்றொரு வீராங்கனையான சாய்னா நேவால் கொரியாவின் கிம் கா இயுன்-ஐ எதிர்கொண்டார். இதில் சாய்னா 21-13, 21-13 என நேர்செட் கணக்கில் வெற்றி பெற்று காலிறுதிக்கு முன்னேறினார். சாய்னா அடுத்த சுற்றில் ஜப்பானின் அகானே யமகுச்சியை எதிர்கொள்கிறார்.



ஆண்களுக்கான ஒற்றையர் பிரிவில் சமீர் வர்மா ஹாங்காங் வீரர் கா லாங் அங்குஸை 21-12, 21-19 என நேர்செட் கணக்கில் வீழ்த்தி காலிறுதிக்கு முன்னேறினார்.