ரசிகர்களுடன் பிறந்த நாளை கொண்டாடிய ‘கிரிக்கெட் கடவுள்’ சச்சின் தெண்டுல்கர்

‘கிரிக்கெட் கடவுள்’ என்று அழைக்கப்படுபவர் சச்சின் தெண்டுல்கர். 24 வருடங்கள் சர்வதேச கிரிக்கெட் போட்டியில் ஜாம்பவானாக திகழ்ந்து 100 சர்வதேச சதங்கள் அடித்து சாதனைப் படைத்துள்ளார். அத்துடன் 34357 ரன்கள் குவித்துள்ளார்.



இவருக்கு இன்று 46-வது பிறந்த நாள். பிறந்த நாளையொட்டி ரசிகர்கள் வாழ்த்துக்கள் கூறுவதற்காக அவரது வீட்டு முன் திரண்டனர். அப்போது சச்சின் தெண்டுல்கர் வெளியே வந்து ரசிகர்களுடன் தனது பிறந்த நாளை கேக் வெட்டி கொண்டாடினார்.



சச்சின் தெண்டுல்கரின் தீவிர ரசிகரான சுதிர் குமார் சவுத்ரி நினைவுப் பரிசு வழங்கினார்.



மேலும் சச்சினுக்கு பாலிவுட் பிரபலங்கள், முன்னாள் இன்னாள் வீரர்கள் வாழ்த்துக்கள் கூறி வருகின்றனர்.