ராகுல் டிராவிட், வார்னே போன்ற முன்னாள் வீரர்களை கவுரவிக்க இருக்கிறது ராஜஸ்தான் ராயல்ஸ்

ஐபிஎல் 2019 சீசன் வருகிற 23-ந்தேதி தொடங்குகிறது. ஐபிஎல் டி20 கிரிக்கெட் தொடர் கடந்த 2008-ம் ஆண்டு தொடங்கப்பட்டது. முதல் சீசனை யாரும் எதிர்பார்க்காத வகையில் ராஜஸ்தான் ராயல்ஸ் அணி கைப்பற்றியது.

அந்த அணி ஜெய்ப்பூரில் உள்ள சவாய் மான் சிங் மைதானத்தை சொந்த மைதானமாகக் கொண்டு விளையாடுகிறது. ராஜஸ்தான் ராயல்ஸ் அணியில் ராகுல் டிராவிட், வார்னே, தென்ஆப்பிரிக்காவின் முன்னாள் கேப்டன் கிரேம் ஸ்மித் போன்ற மூத்த வீரர்கள் விளையாடியுள்ளனர்.

மேலும், ஜேம்ஸ் பால்க்னெர், நமன் ஓஜா, முனாப் பட்டேல், பிரவின் தம்பே போன்றோரும் விளையாடியுள்ளனர். இவர்களை கவுரவிக்கும் வகையில் ரசிகர்கள் அமர்ந்திருக்கும் கேலரிகளுக்கு இந்த வீரர்களின் பெயர்களை சூட்ட முடிவு செய்துள்ளது.