செல்சியை வீழ்த்தி கால்பந்து லீக் கோப்பையை வென்றது மான்செஸ்டர் சிட்டி

கால்பந்து லீக் கோப்பை தொடரின் இறுதிப் போட்டி நேற்றிரவு நடைபெற்றது. இதில் மான்செஸ்டர் சிட்டி - செல்சி அணிகள் பலப்பரீட்சை நடத்தின.

முதல் பாதி நேரத்தில் மான்செஸ்டர் சிட்டி அணி ஆதிக்கம் செலுத்தியது. என்றாலும் கோல் ஏதும் அடிக்க முடியவில்லை. 2-வது பாதி நேர ஆட்டத்தில் செல்சி அணி அபாரமான ஆட்டத்தை வெளிப்படுத்தியது. கோல் அடிக்கும் வாய்ப்புகள் கிடைத்தும், அதை தவறவிட்டது. இதனால் ஆட்டம் கோலின்றி முடிந்தது.

ஆட்ட நேரத்திற்குள் முடிவு கிடைக்கவில்லை என்பதால் இரண்டு முறை கூடுதல் நேரம் வழங்கப்பட்டது. அதிலும் இரு அணிகளும் கோல் அடிக்கவில்லை. இதனால் பெனால்டி ஷூட்அவுட் முறை கடைபிடிக்கப்பட்டது. இதில் மான்செஸ்டர் சிட்டி 4-3 என வெற்றி பெற்று கோப்பையை கைப்பற்றியது.