டி20 கிரிக்கெட்: குஜராத்தை 1 ரன் வித்தியாசத்தில் வீழ்த்தியது தமிழ்நாடு

சையத் முஸ்தாக் அலி டி20 கிரிக்கெட் தொடர் நடைபெற்று வருகிறது. சூரத்தில் நடைபெற்ற ஆட்டத்தில் ‘பி’ பிரிவில் இடம்பிடித்துள்ள குஜராத் - தமிழ்நாடு அணிகள் மோதின.

முதலில் பேட்டிங் செய்த தமிழ்நாடு 6 விக்கெட் இழப்பிற்கு 125 ரன்கள் சேர்த்தது. முரளி விஜய் (3), ஹரி நிஷாந்த் (4), பாபா இந்திரஜித் (8) சொற்ப ரன்களில் ஆட்டமிழக்க சதுர்வேத் 34 ரன்களும், வாஷிங்டன் சுந்தர் 33 ரன்களும், ஜெகதீசன் 29 ரன்களும் சேர்த்தனர்.

பின்னர் 126 ரன்கள் அடித்தால் வெற்றி என்ற இலக்குடன் குஜராத் அணி களம் இறங்கியது. சிராக் காந்தியை தவிர மற்ற வீரர்கள் சொற்ப ரன்களில் ஆட்டமிழந்தனர். காந்தி 68 ரன்கள் எடுத்து கடைசி வரை போராடினார். ஆனால் கடைசி ஓவரின் 5-வது பந்தில் ஹர்திக் பட்டேல் ரன்அவுட் ஆன குஜராத் 124 ரன்னில் ஆல்அவுட் ஆனது.

இதனால் பரபரப்பான ஆட்டத்தில் தமிழ்நாடு 1 ரன் வித்தியாசத்தில் வெற்றி பெற்றது.