search icon
என் மலர்tooltip icon

    செய்திகள்

    வங்காளதேசத்துக்கு எதிரான 2-வது ஆட்டத்திலும் நியூசிலாந்து அணி அபார வெற்றி: கப்தில் சதம் விளாசினார்
    X

    வங்காளதேசத்துக்கு எதிரான 2-வது ஆட்டத்திலும் நியூசிலாந்து அணி அபார வெற்றி: கப்தில் சதம் விளாசினார்

    வங்காளதேச அணிக்கு எதிரான 2-வது ஒரு நாள் போட்டியிலும் நியூசிலாந்து வீரர் மார்ட்டின் கப்தில் சதம் விளாசினார். #NZvBAN
    நியூசிலாந்து - வங்காளதேசம் அணிகள் இடையிலான 2-வது ஒரு நாள் கிரிக்கெட் போட்டி கிறிஸ்ட்சர்ச்சில் நேற்று நடந்தது. இதில் மேகமூட்டமான சீதோஷ்ண நிலைக்கு மத்தியில் முதலில் பேட் செய்த வங்காளதேச அணி 49.4 ஓவர்களில் 226 ரன்களுக்கு ஆல்-அவுட் ஆனது.

    அதிகபட்சமாக முகமது மிதுன் 57 ரன்களும், சபிர் ரஹ்மான் 43 ரன்களும் எடுத்தனர். நியூசிலாந்து தரப்பில் பெர்குசன் 3 விக்கெட்டுகளும், டாட் ஆஸ்ட்லே, ஜேம்ஸ் நீ‌ஷம் தலா 2 விக்கெட்டுகளும் வீழ்த்தினர்.

    அடுத்து களம் இறங்கிய நியூசிலாந்து அணி 36.1 ஓவர்களில் 2 விக்கெட்டுக்கு 229 ரன்கள் சேர்த்து 8 விக்கெட் வித்தியாசத்தில் எளிதில் வெற்றி பெற்றது. முதல் ஆட்டத்தை போல் இந்த ஆட்டத்திலும் சதம் நொறுக்கிய தொடக்க ஆட்டக்காரர் மார்ட்டின் கப்தில் 118 ரன்கள் (88 பந்து, 14 பவுண்டரி, 4 சிக்சர்) எடுத்தார்.

    இது அவரது 16-வது சதமாகும். கேப்டன் கேன் வில்லியம்சன் அரைசதம் (65 ரன்) அடித்தார். இந்த வெற்றியின் மூலம் 3 போட்டிகள் கொண்ட ஒரு நாள் தொடரை நியூசிலாந்து அணி 2-0 என்ற கணக்கில் தனதாக்கியது. முதலாவது ஆட்டத்திலும் நியூசிலாந்து 8 விக்கெட் வித்தியாசத்தில் வெற்றி கண்டிருந்தது. கடைசி ஒரு நாள் போட்டி வருகிற 20-ந்தேதி டுனெடினில் நடக்கிறது.
    Next Story
    ×