அதிரடி மன்னன் மெக்கல்லம் பிக் பாஷ் டி20 லீக் தொடரில் இருந்து ஓய்வு

நியூசிலாந்து அணியின் முன்னாள் அதிரடி வீரர் பிரெண்டன் மெக்கல்லம். சர்வதேச கிரிக்கெட்டில் இருந்து ஓய்வு பெற்ற இவர், உலகின் பல்வேறு பகுதிகளில் நடைபெறும் டி20 லீக் தொடர்களில் பங்கேற்று விளையாடி வருகிறார். தற்போது ஆஸ்திரேலியாவில் நடைபெற்று வரும் பிக் பாஷ் டி20 லீக்கில் பிரிஸ்பேன் ஹீட் அணிக்காக விளையாடி வருகிறார்.

நேற்று அடிலெய்டு ஸ்டிரைக்கர்ஸ் அணிக்கெதிராக மெக்கல்லம் 39 பந்தில் 51 ரன்கள் சேர்த்தார். போட்டி முடிந்த பின், இந்த சீசனோடு பிக் பாஷ் டி20 லீக் தொடரில் இருந்து ஓய்வு பெறுவதாக தெரிவித்தார்.

இதுகுறித்து பிரெண்டன் மெக்கல்லம் கூறுகையில் ‘‘2019-ல் உலகின் பல்வேறு இடங்களில் நடைபெறும் டி20 லீக் தொடர்களில் பங்கேற்று விளையாடுவேன். அதன்பின் பயிற்சியாளர் பதவி குறித்து யோசிப்பேன்’’ என்றார்.