விராட் கோலி உடற்தகுதியுடன் இருந்தால் 100 சதங்கள் அடிப்பார்: அசாருதீன்

ஆஸ்திரேலியா - இந்தியா இடையிலான 2-வது ஒருநாள் போட்டி அடிலெய்டில் நேற்று நடைபெற்றது. முதலில் பேட்டிங் செய்த ஆஸ்திரேலியா 298 ரன்கள் குவித்தது. பின்னர் 299 ரன்கள் அடித்தால் வெற்றி என்ற இலக்குடன் இந்தியா களம் இறங்கியது.

இந்திய அணி கேப்டன் விராட் கோலி சிறப்பாக விளையாடி ஒருநாள் போட்டியில் தனது 39-வது சதத்தை பதிவு செய்தார். விராட் கோலி ‘ஃபிட்’ ஆக இருந்தால் 100 சதங்கள் அடிப்பார் என்று இந்திய அணியின் முன்னாள் கேப்டன் முகமது அசாருதீன் தெரிவித்துள்ளார்.

இதுகுறித்து அசாருதீன் கூறுகையில் ‘‘விராட் கோலியை போன்று தொடர்ச்சியாக விளையாடுவது சில வீரர்களால் மட்டுமே முடியும். உடற்தகுதியோடு, எந்தவித காயமின்றி விராட் கோலியால் விளையாட முடியும் என்றால், அவரால் 100 சதங்கள் அடிக்க முடியும். தற்போது உலகில் உள்ள வீரர்களை விட அதிக அளவில் தொடர்ச்சியாக சிறப்பாக விளையாடும் திறமையை விராட் கோலி பெற்றுள்ளார்.’’ என்றார்.