ஆஸ்திரேலிய ஓபன்: 5-ம் நிலை வீரர் கெவின் ஆண்டர்சன் 3 மணி நேரம் போராடி அதிர்ச்சி தோல்வி

ஆஸ்திரேலிய ஓபன் மெல்போர்ன் நகரில் நடைபெற்று வருகிறது. ஆண்களுக்கான ஒற்றையர் பிரிவு 2-வது சுற்றில் 5-ம் நிலை வீரரான தென்ஆப்பிரிக்காவின் கெவின் ஆண்டர்சன் அமெரிக்காவின் பிரான்சிஸ் தியாஃபோ-வை எதிர்கொண்டார்.

முதல் செட்டை கெவின் ஆண்டர்சன் 6-4 எனக் கைப்பற்றினார். அதன்பின் பிரான்சிஸ் ஆக்ரோஷமான ஆட்டத்தை வெளிப்படுத்தினார். பிரான்சிஸ் வேகத்திற்கு ஆண்டர்சனால் ஈடுகொடுக்க முடியவில்லை. இதனால் 4-6, 4-6, 5-7 என முறையே 2 முதல் நான்கு செட்களை இழந்து போட்டியில் இருந்து வெளியேறினார்.


பிரான்சிஸ்

2 மணி நேரம் 59 நிமிடங்கள் போராடியும் 5-ம் நிலை வீரரான கெவின் ஆண்டர்சனால் வெற்றி பெற முடியவில்லை.