search icon
என் மலர்tooltip icon

    செய்திகள்

    ஐசிசி டெஸ்ட் தரவரிசை: நம்பர்-1 பெருமையுடன் 2018-ஐ நிறைவு செய்த விராட் கோலி, ரபாடா
    X

    ஐசிசி டெஸ்ட் தரவரிசை: நம்பர்-1 பெருமையுடன் 2018-ஐ நிறைவு செய்த விராட் கோலி, ரபாடா

    ஐசிசி டெஸ்ட் தரவரிசையில் நம்பர் ஒன் பெருமையுடன் 2018-ம் ஆண்டை வெற்றிகரமாக நிறைவு செய்துள்ளனர் விராட் கோலி, ரபாடா #ICCTestRankings #ViratKohli #Rabada
    டெஸ்ட் கிரிக்கெட் இந்திய அணி கேப்டன் விராட் கோலி பேட்டிங்கிலும், தென்ஆப்பிரிக்கா பந்து வீச்சாளர் ரபாடா பந்து வீச்சிலும் அசத்தி வருகிறார்கள். இவர்கள் இருவரும் ஐசிசி டெஸ்ட் தரவரிசையில் தொடர்ந்து ஆதிக்கம் செலுத்தி வந்தனர்.

    இந்த ஆண்டின் கடைசி டெஸ்டில் விராட் கோலி ஆஸ்திரேலியாவிற்கு எதிராகவும், ரபாடா பாகிஸ்தானுக்கு எதிராகவும் சிறப்பாக செயல்பட்டனர். இதனால் நம்பர் ஒன் பெருமையுடன் 2018-ம் ஆண்டை வெற்றிகரமாக நிறைவு செய்துள்ளனர்.

    விராட் கோலி 937 புள்ளிகளுடன் முதல் இடத்தில் கடந்த 135 நாட்களாக இருந்து வருகிறார். ஜேம்ஸ் ஆண்டர்சனிடம் முதல் இடத்தை இழந்த ரபாடா மீண்டும் முதல் இடத்தை பிடித்தார். செஞ்சூரியனில் நடைபெற்ற பாகிஸ்தானுக்கு எதிரான பாக்சிங் டே டெஸ்டில் 6 விக்கெட்டுக்கள் வீழ்த்தினார். இந்த வருடத்தில் 52 விக்கெட்டுக்கள் வீழ்த்தி, அதிக விக்கெட் வீழ்த்திய பந்து வீச்சாளர் என்ற பெருமையை பெற்றுள்ளார்.
    Next Story
    ×