ஆஸ்திரேலியா - இந்தியா இடையிலான 2-வது டெஸ்ட் பெர்த்தில் நடைபெற்றது. வேகப்பந்து வீச்சிற்கு சாதகமான ஆடுகளத்தில் நாதன் லயன் சிறப்பாக பந்து வீசி 8 விக்கெட்டுக்கள் சாய்த்தார். இதனால் ஆட்ட நாயகன் விருதையும் தட்டிச் சென்றார். அடிலெய்டு டெஸ்டில் 8 விக்கெட்டுக்கள் வீழ்த்திய நாதன் லயன், வேகப்பந்து வீச்சிற்கு சாதகமான பெர்த் ஆடுகளத்திலும் 8 விக்கெட்டுக்கள் சாய்த்துள்ளார்.
மெல்போர்ன் மற்றும் சிட்னி மைதானம் சுழற்பந்து வீச்சுக்கு சாதகமாக இருக்கும் என்பதால் ஆஸ்திரேலியா தொடரை கைப்பற்ற வாய்ப்புள்ளதாக இங்கிலாந்து கேப்டனும், இத்தொடரின் தொலைக்காட்சி வர்ணனையாளரும் ஆன மைக்கேல் வாகன் கணித்துள்ளார்.
அதேவேளையில் இந்திய அணியின் முன்னாள் கேப்டனான சவுரங் கங்குலி, இன்னும் இரண்டு போட்டிகள் உள்ளன. ‘‘மீடியாக்களில் குறிப்பாக, ஆஸ்திரேலியா மீடியாக்களில் ஆஸ்திரேலியாவிற்கு எதிராக இந்தியா தோற்றுவிட்டதாக பெரிய அளவில் பேசப்படுகிறது. இன்னும் இரண்டு போட்டிகள் உள்ளன. இரண்டையும் இந்தியாவால் வெல்ல முடியும்’’ என்றார்.
