பாகிஸ்தான் - நியூசிலாந்து அணிகளுக்கு இடையில் மூன்று போட்டிகள் கொண்ட டெஸ்ட் தொடர் நடைபெற்று வருகிறது. அபு தாபியில் நடைபெற்ற முதல் டெஸ்டில் பரபரப்பாக ஆட்டத்தில் நியூசிலாந்து 4 ரன்கள் வித்தியாசத்தில் வெற்றியை பதிவு செய்தது.
துபாயில் நடைபெற்ற 2-வது டெஸ்டில் பாகிஸ்தான் இன்னிங்ஸ் மற்றும் 16 ரன்கள் வித்தியாசத்தில் அபார வெற்றி பெற்றது. சுழற்பந்து வீச்சாளர் யாசிர் ஷா 184 ரன்கள் விட்டுக்கொடுத்து 10 விக்கெட்டுக்கள் அள்ளினார்.
இரு அணிகளுக்கு இடையிலான 3-வது மற்றும் கடைசி டெஸ்ட் அபு தாபியில் வருகிற 3-ந்தேதி தொடங்குகிறது. இதற்கான பாகிஸ்தான் அணியில் மாற்றம் ஏதும் செய்யப்படவில்லை. இந்த டெஸ்டில் வெற்றி பெறும் அணி தொடரை கைப்பற்றும்.
3-வது போட்டிக்கான பாகிஸ்தான் அணியில் இடம்பிடித்துள்ள வீரர்கள் விவரம்:-
1. முகமது ஹபீஸ், 2. இமாம்-உல்-ஹக், 3. அசார் அலி, 4. அசாத் அலி, 5. ஹரிஸ் சோஹைல், 6. பாபர் ஆசம், 7. சாத் அலி, 8. சர்பிராஸ் அகமது, 9. யாசிர் ஷா, 10, பிலால் ஆசிப், 11. முகமது அப்பாஸ், 12. ஹசன் அலி, 13. பஹீம் அஷ்ரப், 14. ஷஹீன் அப்ரிடி, 15. மிர் ஹம்சா.
