search icon
என் மலர்tooltip icon

    செய்திகள்

    நியூசிலாந்து ‘ஏ’ அணிக்கெதிராக பிரித்வி ஷா, மயாங்க் அகர்வால், விஹாரி, பார்தீவ் பட்டேல் சிறப்பான ஆட்டம்
    X

    நியூசிலாந்து ‘ஏ’ அணிக்கெதிராக பிரித்வி ஷா, மயாங்க் அகர்வால், விஹாரி, பார்தீவ் பட்டேல் சிறப்பான ஆட்டம்

    நியூசிலாந்து ‘ஏ’ அணிக்கெதிரான நான்கு நாட்கள் கொண்ட டெஸ்ட் போட்டியில் பிரித்வி ஷா, மயாங்க் அகர்வால், விஹாரி, பார்தீவ் பட்டேல் சிறப்பான ஆட்டத்தை வெளிப்படுத்தினார்கள்.
    இந்தியா ‘ஏ’ அணி நியூசிலாந்து சென்றுள்ளது. நியூசிலாந்து ‘ஏ’ அணிக்கெதிராக நான்கு நாட்கள் கொண்ட மூன்று டெஸ்ட் போட்டிகள் கொண்ட தொடரிலும், மூன்று போட்டிகள் கொண்ட ஒருநாள் கிரிக்கெட் தொடரிலும் விளையாடுகிறது. முதல் டெஸ்ட் இன்று தொடங்கியது.

    இந்தியா ‘ஏ’ அணி டாஸ் வென்று பேட்டிங் தேர்வு செய்தது. பிரித்வி ஷா, முரளி விஜய் ஆகியோர் தொடக்க வீரர்களாக களம் இறங்கினார்கள். பிரித்வி ஷா 62 ரன்களும், முரளி விஜய் 28 ரன்கள் சேர்த்து ஆட்டமிழந்தார்.

    அதன்பின் வந்த மயாங்க் அகர்வால் சிறப்பாக விளையாடி 65 ரன்களும், ஹனுமா விஹாரி 86 ரன்கள் குவித்தனர். கேப்டன் ரகானே 12 ரன்னில் ஆட்டமிழந்து ஏமாற்றம் அளித்தார். விக்கெட் கீப்பர் பட்டேல் சிறப்பாக விளையாடி 79 ரன்கள் எடுத்து ஆட்டமிழக்காமல் உள்ளார். இந்தியா ‘ஏ’ அணி முதல் நாள் ஆட்ட முடிவில் 5 விக்கெட் இழப்பிற்கு 340 ரன்கள் குவித்துள்ளது.
    Next Story
    ×