search icon
என் மலர்tooltip icon

    செய்திகள்

    புரோ கபடி லீக்- தமிழ் தலைவாஸ், அரியானா இன்று பலப்பரீட்சை
    X

    புரோ கபடி லீக்- தமிழ் தலைவாஸ், அரியானா இன்று பலப்பரீட்சை

    புரோ கபடி லீக் போட்டியின் இன்றைய ஆட்டத்தில் அரியானாவை வீழ்த்தி தமிழ் தலைவாஸ் அணி 4-வது வெற்றியை பெறுமா? என்று தமிழக கபடி ரசிகர்கள் ஆவலுடன் எதிர்நோக்குகின்றனர். #ProKabaddi2018 #TamilThalaivas
    மும்பை:

    6-வது புரோ கபடி ‘லீக்’ போட்டியில் சென்னை நகரை மையமாக கொண்ட அஜய் தாகூர் தலைமையிலான தமிழ் தலைவாஸ் அணி ‘பி’ பிரிவில் இடம் பெற்றுள்ளது. அந்த அணி 9 ஆட்டத்தில் விளையாடி 3 வெற்றி, 6 தோல்வியுடன் 17 புள்ளிகள் பெற்று உள்ளது. தமிழ் தலைவாஸ் அணி 10-வது ‘லீக்’ ஆட்டத்தில் ‘ஏ’பிரிவில் உள்ள அரியானா ஸ்டீலர்சை இன்று இரவு 8 மணிக்கு சந்திக்கிறது. அரியானாவை வீழ்த்தி தமிழ் தலைவாஸ் அணி 4-வது வெற்றியை பெறுமா? என்று தமிழக கபடி ரசிகர்கள் ஆவலுடன் எதிர்நோக்குகின்றனர்.

    அரியானா அணி 12 ஆட்டத்தில் 4 வெற்றி, 8 தோல்வியுடன் 23 புள்ளிகள் பெற்றுள்ளது. அந்த அணி 5-வது வெற்றிக்காக காத்திருக்கிறது.

    இரவு 9 மணிக்கு நடைபெறும் மற்றொரு ஆட்டத்தில் மும்பை- பெங்களூர் அணிகள் மோதுகின்றன. #ProKabaddi2018 #TamilThalaivas
    Next Story
    ×