பந்துவீச்சு பயிற்சியாளர் பதவியில் இருந்து வெங்கடேஷ் பிரசாத் நீக்கம் - கிங்ஸ் லெவன் பஞ்சாப் அதிரடி

ஐபிஎல் 2018 சீசனில் கிங்ஸ் லெவன் பஞ்சாப் அணி ஆரம்பக் கட்டத்தில் அபாரமான ஆட்டத்தை வெளிப்படுத்தியது. முதல் 7 ஆட்டத்தில் ஐந்தில் வெற்றி பெற்றது. அதன்பின் தொடர் தோல்வியால் பிளே-ஆப் சுற்றுக்கு முன்னேற முடியாமல் ஏமாற்றம் அடைந்தது.

இதனால் 2019 சீசனில் சிறப்பாக விளையாடும் வகையில் பல்வேறு மாற்றங்களை செய்து வருகிறது. அந்த அணியின் தலைமை பயிற்சியாளராக இருந்த பிராட் ஹாட்ச்-ஐ நீக்கிவிட்டு நியூசிலாந்து தேசிய அணியின் முன்னாள் தலைமை பயிற்சியாளரான மைக் ஹெசனை பயிற்சியாளரான நியமித்தது.

ஆலோசகராக இருந்த சேவாக் தனது பதவியில் இருந்து விலகினார். இந்நிலையில் தற்போது பந்துவீச்சு பயிற்சியாளரான வெங்கடேஷ் பிரசாத்தை அதிரடியாக நீக்கிவிட்டு ஸ்ரீதரன் ஸ்ரீராமை பயிற்சியாளராக நியமித்துள்ளது.

ஸ்ரீராம் இந்திய அணிக்காக 8 ஒருநாள் போட்டியில் விளையாடியுள்ளார். 133 முதல்தர போட்டிகளில் விளையாடியுள்ளார்.