பிக் பாஷ் டி20 லீக்- மெல்போர்ன் ரெனேகட்ஸ் அணியுடன் ஆப்கானிஸ்தான் வீரர் ஒப்பந்தம்

ஆப்கானிஸ்தான் கிரிக்கெட் அணியின் சுழற்பந்து வீச்சு ஆல்ரவுண்டர் முகமது நபி. இவர் ஆஸ்திரேலியாவில் நடைபெறும் பிக் பாஷ் டி20 லீக் தொடரில் மெல்போர்ன் ரெனேகட்ஸ் அணிக்காக 2-வது முறையாக விளையாட ஒப்பந்தம் செய்யப்பட்டுள்ளார்.

20 ஓவர் கிரிக்கெட்டில் ஆப்கானிஸ்தான் சுழற்பந்து வீச்சாளர்கள் அசத்தி வருகிறார்கள் ரஷித் கான், முஜீப் உர் ரஹ்மான் ஆகியோர் ஏற்கனவே பல லீக் தொடரில் விளையாடி வருகிறார்கள். ரஷித் கான் சராசரியாக ஒரு ஓவருக்கு 5.65 ரன்கள் விட்டுக்கொடுத்துள்ளார். நபி 5.76 ரன்கள் விட்டுக்கொடுத்துள்ளார்.



கடந்த சீசனில் மெல்போர்ன் ஸ்டார்ஸ் அணிக்கெதிராக 30 பந்தில் 52 ரன்கள் குவித்து ஆட்டநாயகன் விருதை தட்டிச் சென்றார். நபி இறுதிப் போட்டிக்கான நேரத்தில் சர்வதேச போட்டிக்கு திரும்பினார். அந்த போட்டியில் அடிலெய்டு ஸ்டிரைக்கர்ஸ் அணியிடம் தோல்வியடைந்தது.