search icon
என் மலர்tooltip icon

    செய்திகள்

    மொனாகோ அணியின் பயிற்சியாளராக தியரி ஹென்றி நியமனம்
    X

    மொனாகோ அணியின் பயிற்சியாளராக தியரி ஹென்றி நியமனம்

    பிரான்ஸ் அணியின் முன்னாள் நட்சத்திர வீரரான தியரி ஹென்றி மொனாகோ அணியின் பயிற்சியாளராக நியமிக்கப்பட்டுள்ளார். #ThierryHenry
    பிரான்ஸ் கால்பந்து அணியின் முன்னணி வீரராக திகழ்ந்தவர் தியரி ஹென்றி. பிரான்ஸ் அணிக்காக 123 போட்டிகளில் விளையாடி 51 கோல்கள் அடித்துள்ளார். பிரான்ஸ் அணிக்காக அதிக கோல்கள் அடித்தவர் இவர்தான்.

    இவர் மொனாகோ, யுவான்டஸ், அர்செனல், பார்சிலோனா, நியூயார்க் ரெட் புல்ஸ் ஆகிய கிளப் அணிகளுக்காக விளையாடியுள்ளார். பிரான்ஸ் அணி 1998-ம் ஆண்டு உலகக்கோப்பையை வெல்ல முக்கிய காரணமாக இருந்தார்.



    பெல்ஜியம் தேசிய அணியின் துணைப் பயிற்சியாளராக இருந்த ஹென்றி சமீபத்தில் தனது பதவியை ராஜினாமா செய்தார்.

    இந்நிலையில் மொனாகோ அணியின் பயிற்சியாளராக நியமிக்கப்பட்டுள்ளார். 2021 ஜூலை மாதம் வரை மூன்று வருடம் மொனாகோ அணியின் பயிற்சியாளராக செயல்பட இருக்கிறார். நாளைமறுநாள் முதல் தனது பணியை மேற்கொள்ள இருக்கிறார்.
    Next Story
    ×