ராஜ்கோட் மைதானத்தில் 2-வது டெஸ்ட்

2009-ம் ஆண்டு கட்டப்பட்ட ராஜ்கோட் மைதானத்தில் இதுவரை ஒரே ஒரு டெஸ்ட் போட்டி மட்டுமே நடைபெற்றுள்ளது. நாளை தொடங்க இருக்கும் போட்டி அந்த மைதானத்தில் 2-வது டெஸ்ட் ஆகும்.

2016-ம் ஆண்டு நவம்பர் மாதம் இந்தியா- இங்கிலாந்து அணிகள் அங்கு மோதிய டெஸ்ட் ‘டிரா’ ஆனது. இங்கிலாந்து வீரர்களில் குக் (130 ரன்), பென் ஸ்டோக்ஸ் (128), ஜோரூட் (124), மொய்ன்அலி (117) ஆகியோரும், இந்திய வீரர்களில் முரளி விஜய் (126), புஜாரா (124) ஆகியோர் சதம் அடித்துள்ளனர்.

ஆதில் ரஷீத் (இங்கிலாந்து) அதிகபட்சமாக 7 விக்கெட்டுகள் எடுத்துள்ளார். அவர் 114 ரன் கொடுத்து 4 விக்கெட் கைப்பற்றியதே சிறந்த பந்துவீச்சாகும்.

ராஜ்கோட் மைதானத்தில் 2 ஒருநாள் போட்டியும், இரண்டு 20 ஓவர் போட்டியும் நடந்துள்ளது. #INDvWI #RajkotTest