ஜப்பான் ஓபன் பேட்மிண்டன்- கென்டோ மொமோடா, கரோலினா மரின்

ஜப்பான் ஓபன் பேட்மிண்டன் தொடரில் ஆண்களுக்கான ஒற்றையர் பிரிவின் இறுதிப் போட்டியில் ஜப்பானின் கென்டோ மொமோடா - தாய்லாந்தின் கோசிட் பெட்ப்ரதாப் ஆகியோர் பலப்பரீட்சை நடத்தினார்கள். இதில் கென்டோ மொமோடா 21-14, 21-11 என நேர்செட் கணக்கில் வெற்றி பெற்று சாம்பியன் பட்டத்தை கைப்பற்றினார்.



பெண்களுக்கான ஒற்றையர் பிரிவின் இறுதிப் போட்டியில் ஜப்பானின் நோசோமி ஒகுஹாரா - ஒலிம்பிக் சாம்பியன் ஸ்பெயினின் கரோலினா மரின் ஆகியோர் மோதினார்கள். இதில் கரோலினாவிற்கு ஒகுஹாரா கடும் சவாலாக விளங்கினார். கரோலினா முதல் செட்டை 21-19 எனக் கைப்பற்றினார். ஆனால் 2-வது செட்டை 17-21 என இழந்தார். 1-1 என ஸ்கோர் சமநிலையில் இருந்தது. வெற்றியை தீர்மானிக்கும் 3-வது சுற்றில் கரோலின் சிறப்பாக விளையாடி 21-11 எனக்கைப்பற்றி கரோலினா மரின் சாம்பியன் பட்டம் வென்றார்.