துபாய் :
14-வது ஆசிய கோப்பை கிரிக்கெட் போட்டி ஐக்கிய அரபு அமீரகத்தில் உள்ள துபாய் மற்றும் அபுதாபியில் தொடங்கியது.
துபாயில் தொடங்கிய முதல் போட்டியில் இலங்கை, வங்காளதேச அணிகள் மோதின. டாஸ் வென்ற வங்காளதேச அணி பேட்டிங்கை தேர்வு செய்தது.
இலங்கை அணியின் சுரங்கா லக்மல் வீசிய இரண்டாவது ஓவரின் கடைசி பந்தை தமிம் இக்பால் எதிர்கொண்டார். அந்த பந்து அவரது இடது கையை பதம் பார்த்தது. வலியில் துடித்த அவர் (2 ரன்) ரிட்டையர்டு ஹர்ட் முறையில் பெவிலியன் திரும்பினார்.
கடைசி விக்கெட்டுக்கு முஷ்பிகுர் ரஹிமுடன் ஜோடி சேர்ந்த தமிம் இக்பால் 32 ரன்கள் சேர்க்க காரணமானார். ஒரு கையால் மட்டும் பேட் பிடித்து ஆடியது குறிப்பிடத்தக்கது.
ஆட்டம் முடிந்ததும் அவருக்கு சிகிச்சை அளித்த டாக்டர்கள் குறைந்தது 6 வாரம் ஓய்வெடுக்க வேண்டும் என அறிவுறுத்தினர். இதையடுத்து, ஆசிய கோப்பை தொடரில் இருந்து தமிம் இக்பால் வெளியேறினார்.
முன்னணி வீரரான தமிம் இக்பால் ஆசிய கோப்பை தொடரில் இருந்து வெளியேறியுள்ளது வங்காளதேசம் அணிக்கு பெரும் பின்னடைவாக கருதப்படுகிறது. #AsiaCup2018 #TamimIqbal
