திருநங்கைகள் நிகழ்ச்சியில் பெண் வேடத்தில் கலந்து கொண்ட கம்பீர்

இந்திய கிரிக்கெட் அணியின் முன்னாள் தொடக்க ஆட்டக்காரர் கவுதம் கம்பீர் பல்வேறு சமூக உதவிகளை செய்து வருகிறார். சமூக பிரச்சினைகள் குறித்தும் அவ்வப்போது டுவிட்டரில் தனது கருத்தை பதிவிடுகிறார். இந்த நிலையில் டெல்லியில் மூன்றாம் பாலினத்தவரான திருநங்கைகள் மட்டும் பங்கேற்கும் ‘ஹிஜ்ரா ஹப்பா’ எனும் விளையாட்டு மற்றும் கலைநிகழ்ச்சிக்கு கம்பீர் அழைக்கப்பட்டு இருந்தார். இதனை ஏற்று கம்பீர் சிறப்பு விருந்தினராக கலந்து கொண்டு நிகழ்ச்சியை தொடங்கி வைத்தார்.

விழாவில் கம்பீர் துப்பட்டா அணிந்து பெண் போன்ற அலங்காரத்துடன் தோன்றி திருநங்கைகளை உற்சாகப்படுத்தினார். திருநங்கைகளுடன் அவர் இருக்கும் படங்கள் சமூக வலைதளங்களில் வைரலாகி வருகிறது. கம்பீரின் இந்த மனிதநேய செயலை பலரும் பாராட்டி வருகிறார்கள்.