அமெரிக்கா ஓபன்- டெல் போட்ரோ, இஸ்னெர் காலிறுதிக்கு முன்னேற்றம்

கிராண்ட் ஸ்லாம் டென்னிஸ் தொடரான அமெரிக்கா ஓபன் தற்போது நடைபெற்று வருகிறது. இன்று ஆண்களுக்கான ஒற்றையர் பிரிவில் காலிறுதிக்கு முந்தய சுற்று ஆட்டங்கள் நடைபெற்றன. ஒரு ஆட்டத்தில் 3-ம் நிலை வீரரான அர்ஜென்டினாவின் ஜுயான் மார்ட்டின் டெல் போட்ரோ, 20-ம் நிலை வீரரான குரோசியாவின் போர்னா கோரிச்சை எதிர் கொண்டார். இதில் எந்தவித போராட்டமும் இன்றி 6-4, 6-3, 6-1 நேர்செட் கணக்கில் வெற்றி பெற்று காலிறுதிக்கு முன்னேறினார்.



மற்றொரு ஆட்டத்தில் 11-ம் நிலை வீரரான அமெரிக்காவின் ஜான் இஸ்னெர் 25-ம் நிலை வீரரான கனடாவின் மிலோஸ் ரயோனிக்கை எதிர்கொண்டார். இருவரும் ஒருவருக்கு ஒருவர் சலைத்தவர்கள் என்பது போல் ஈடுகொடுத்து விளைாடினார்கள். இதனால் ஐந்து செட் வரை ஆட்டம் நீடித்தது. இறுதியில் இஸ்னெர் 3-6, 6-3, 6-4, 3-6, 6-2 என வெற்றி பெற்றார்.

காலிறுதிகளில் நடால் - தியெம், டெல் போட்ரோ - இஸ்னெர் பலப்பரீட்சை நடத்துகிறார்கள்.