search icon
என் மலர்tooltip icon

    செய்திகள்

    உலகக்கோப்பை புகழ் பிரான்ஸ் கேப்டன் குடிபோதையில் கார் ஓட்டியதால் கைது
    X

    உலகக்கோப்பை புகழ் பிரான்ஸ் கேப்டன் குடிபோதையில் கார் ஓட்டியதால் கைது

    குடிபோதையில் காரை ஓட்டிய விவகாரத்தில் பிரான்ஸ் மற்றும் டோட்டன்ஹாம் கால்பந்து அணி கேப்டன் லோரிஸ் கைது செய்யப்பட்டுள்ளார். #Lloris
    பிரான்ஸ் கால்பந்து அணியின் கேப்டனாக இருப்பவர் ஹியூகோ லோரிஸ். விக்கெட் கீப்பராக இருக்கும் இவரது தலைமையில் ரஷியாவில் நடைபெற்ற உலகக்கோப்பை தொடரில் பிரான்ஸ் கோப்பையை கைப்பற்றியது.

    இவர் இங்கிலீஷ் பிரீமியர் லீக்கில டோட்டன்ஹாம் ஹாட்ஸ்பர் அணிக்காக விளையாடி வருகிறார். இவர் இன்று அதிகாலை குடித்துவிட்டு கார் ஓட்டியதாக தெரிகிறது. மத்திய லண்டனில் 2.20 மணிக்கு போலீசார் இவரது காரை நிறுத்தினார்கள்.



    அப்போது குடித்துவிட்டு கார் ஓட்டியது சோதனையில் தெரிய வந்தது. இதனால் கைது செய்து போலீஸ் நிலையத்திற்கு அழைத்துச் செல்லப்பட்டார். அங்கு 7 மணி நேரம் காவலில் இருந்தார். பின்னர் ஜாமீனில் வெளியிடப்பட்டுள்ளார்.

    செப்டம்பர் மாதம் 11-ந்தேதி கோர்ட்டில் ஆஜராகும்படி உத்தரவிடப்பட்டுள்ளது. லோரிஸ் டோட்டன்ஹாம் அணிக்காக கடந்த 2012-ல் இருந்து விளையாடி வருகிறார் என்பது குறிப்பிடத்தக்கது.
    Next Story
    ×