search icon
என் மலர்tooltip icon

    செய்திகள்

    கரிபியன் பிரீமியர் லீக்- அந்த்ரே ரஸல் அணி 71 ரன் வித்தியாசத்தில் படுதோல்வி
    X

    கரிபியன் பிரீமியர் லீக்- அந்த்ரே ரஸல் அணி 71 ரன் வித்தியாசத்தில் படுதோல்வி

    கரிபியன் பிரீமியர் லீக்கில் அந்த்ரே ரஸல் தலைமையிலான ஜமைக்கா தல்லாவஸ் அணி 71 ரன்கள் வித்தியாசத்தில் படுதோல்வியடைந்தது. #CPL2018
    கரிபியன் பிரீமியர் லீக் தொடரின் 11-வது ஆட்டம் பிளோரிடாவில் நடைபெற்றது. இதில் சோயிப் மாலிக் தலைமையிலான கயானா அமேசான் வாரியர்ஸ் - அந்த்ரே ரஸல் தலைமையிலான ஜமைக்கா தல்லாவாஸ் அணிகள் மோதின.

    டாஸ் வென்ற கயானா அமேசான் வாரியர்ஸ் பேட்டிங் தேர்வு செய்தது. அந்த அணியின் 3-வது வீரர் ஷிம்ரோன் ஹெட்மையர் 49 பந்தில் 100 ரன்னும், கேப்டன் சோயிப் மாலிக் 33 பந்தில் 50 ரன்னும் அடிக்க 20 ஓவரில் 7 விக்கெட் இழப்பிற்கு 209 ரன்கள் குவித்தது.

    பின்னர் 210 ரன்கள் அடித்தால் வெற்றி என்ற இலக்குடன் அந்த்ரே ரஸல் தலைமையிலான ஜமைக்கா தல்லாவாஸ் களம் இறங்கியது. தொடக்க வீரர் கென்னர் லெவிஸ் 14 ரன்னில் ஆட்டமிழந்தார். மற்றொரு தொடக்க வீரர் பிலிப்ஸ் 43 ரன்கள் எடுத்தும் ஆட்டமிழந்தனர்.



    ராஸ் டெய்லர் 30 ரன்கள் எடுத்து ஆட்டமிழந்தார். அதன்பின் வந்த மில்லர், ரோவ்மேன் பொவேல் அந்த்ரே ரஸல் சொற்ப ரன்களில் வெளியேற, ஜமைக்கா தல்லாவாஸ் 16.2 ஓவர்கள் மட்டுமே தாக்குப்பிடித்து 138 ரன்களில் சுருண்டது. அந்த்ரே ரஸல் தலைமையிலான ஜமைக்கா தல்லாவாஸ் 71 ரன் வித்தியாசத்தில் படுதோல்வியடைந்தது.
    Next Story
    ×