டெஸ்ட் பேட்ஸ்மேன் தரவரிசை - ஸ்மித்தை பின்னுக்கு தள்ளி முதலிடம் பிடித்தார் விராட் கோலி

சர்வதேச கிரிக்கெட் கவுன்சில் டெஸ்ட் போட்டி பேட்ஸ்மேன்கள் தரவரிசையை வெளியிட்டுள்ளது. இங்கிலாந்து அணிக்கு எதிரான முதல் டெஸ்ட் போட்டியில் 149, 51 ரன்கள் எடுத்த இந்திய அணி கேப்டன் விராட் கோலி முதலிடத்திற்கு முன்னேறியுள்ளார். ஆஸ்திரேலியாவின் ஸ்மித்தை அவர் பின்னுக்கு தள்ளியுள்ளார்.

934 புள்ளிகளுடன் கோலி முதலிடமும், 929 புள்ளி என்ற சிறிய வித்தியாசத்துடன் ஸ்மித் இரண்டாம் இடமும், ரூட் 865 புள்ளிகளுடன் மூன்றாமிடமும் பிடித்துள்ளனர். பந்து வீச்சாளர்களில் இங்கிலாந்து அணியின் ஆண்டர்சன் 884 புள்ளிகளுடன் முதலிடத்தில் உள்ளார்.

125 புள்ளிகளுடன் இந்திய அணி தொடர்ந்து தரவரிசைப்பட்டியலில் முதலிடத்தில் உள்ளது.