வெஸ்ட் இண்டீசுக்கு எதிரான 2-வது 20 ஓவர் போட்டி - வங்காளதேசம் அபார வெற்றி

வெஸ்ட் இண்டீஸ்- வங்காளதேசம் அணிகள் மோதிய 2-வது 20 ஓவர் போட்டி லவுடர்ஹில்லில் இன்று நடந்தது. டாஸ் ஜெயித்த வெஸ்ட் இண்டீஸ் பந்து வீச்சை தேர்வு செய்தது.

வங்காளதேசம் 48 ரன்னுக்கு 3 விக்கெட்(7.4 ஓவர்) இழந்தது. அதன்பின் தமிம் இக்பால் -‌ ஷகிப்அல் ஹசன் ஜோடி சிறப்பாக விளையாடியது. அந்த அணி 20 ஓவரில் 5 விக்கெட்டை இழந்து 171 ரன் எடுத்தது. தமிம் இக்பால் 74 ரன்னும், ‌ஷகிப்-அல்ஹசன் 60 ரன்னும் எடுத்தனர்.

அடுத்து இலக்கை நோக்கி விளையாடிய வெஸ்ட்இண்டீசுக்கு சீரான இடைவெளியில் விக்கெட்டுகள் விழுந்தன. அந்த அணியால் 20 ஓவரில் 9 விக்கெட்டை இழந்து 159 ரன்களே எடுக்க முடிந்தது.

இதனால் வங்காளதேசம் 12 ரன்கள் வித்தியாசத்தில் வெற்றி பெற்றது. இதன் மூலம் 20 ஓவர் போட்டி தொடர் 1-1 என்ற சமநிலையில் உள்ளது. முதல் போட்டியில் வெஸ்ட் இண்டீஸ் வெற்றி பெற்று இருந்தது.

3-வது மற்றும் கடைசி 20 ஓவர் போட்டி நாளை நடக்கிறது. #BANvWI #T20