உலக பேட்மிண்டன் சாம்பியன்ஷிப்- பிவி சிந்து காலிறுதிக்கு முன்னேற்றம்

உலக பேட்மிண்டன் சாம்பியன்ஷிப் தொடர் சீனாவில் நடைபெற்று வருகிறது. இன்று நடைபெற்ற காலிறுதிக்கு முந்தைய ஆட்டம் ஒன்றில் இந்தியாவின் பிவி சிந்து தென்கொரியாவின் சுங் ஜி ஹியூன்-ஐ எதிர்கொண்டார்.

ஆட்டம் தொடங்கியதில் இருந்தே பிவி சிந்து சிறப்பான ஆட்டத்தை வெளிப்படுத்தி வந்தார். முதல் செட்டில் 6-1 என முன்னிலைப் பெற்ற அவர், பின்னர் 11-4 என முன்னிலைப் பெற்றார். அதன்பின் 21-10 என எளிதில் கைப்பற்றினார்.



2-வது செட்டில் தென்கொரியா வீராங்கனை தாக்குப்பிடித்து விளையாடினார். ஒரு கட்டத்தில் பிவி சிந்து 14-13 என ஒரு புள்ளி வித்தியாசத்தில்தான் முன்னிலையில் இருந்தார். அதன்பின் 17-14 என முன்னிலைப் பெற்று இறுதியில் 2-வது செட்டை 21-18 எனக்கைப்பற்றி காலிறுதிக்கு முன்னேறினார்.