search icon
என் மலர்tooltip icon

    செய்திகள்

    ஐசிசி தரவரிசை- இரண்டு சதம் அடித்து இரண்டாவது இடத்திற்கு முன்னேறினார் ஜோ ரூட்
    X

    ஐசிசி தரவரிசை- இரண்டு சதம் அடித்து இரண்டாவது இடத்திற்கு முன்னேறினார் ஜோ ரூட்

    இந்தியாவிற்கு எதிராக இரண்டு சதம் விளாசிய ஜோ ரூட் பேட்ஸ்மேன் தரவரிசையில் 2-வது இடத்திற்கு முன்னேறியுள்ளார். #ICCODIRankings
    இங்கிலாந்து - இந்தியா இடையிலான மூன்று போட்டிகள் கொண்ட ஒருநாள் கிரிக்கெட் தொடர் நடைபெற்றது. நேற்று நடைபெற்ற கடைசி போட்டியில் இங்கிலாந்து 8 விக்கெட் வித்தியாசத்தில் வெற்றி பெற்று தொடரை 2-1 எனக்கைப்பற்றியது.

    முதல் போட்டியில் சரியாக விளையாடாத ஜோ ரூட் 2-வது மற்றும் 3-வது போட்டியில் அடுத்தடுத்து சதம் அடித்து அசத்தினார். இந்த தொடரில் 216 ரன்கள் குவித்தார். இரண்டு போட்டியில் நாட்அவுட் என்பதால் சராசரி 216 ஆகும். இதன்மூலம் 818 புள்ளிகளுடன் 6-வது இடத்தில் இருந்து 2-வது இடத்திற்கு முன்னேறியுள்ளார்.



    இந்திய அணி கேப்டன் 75, 45 மற்றும் 71 ரன்கள் அடித்தார். சராசரி 63.66 ஆகும். இதன்மூலம் முதன்முறையாக ஒருநாள் தொடரில் 911 புள்ளிகள் பெற்று முதல் இடத்தில் நீடிக்கிறார்.

    பாகிஸ்தான் வீரர் பாபர் அசாம் 3-வது இடத்திற்கு இறங்கியுள்ளார். ஓராண்டு தடை பெற்றுள்ள வார்னர் 5-வது இடத்திற்கும், நியூசிலாந்தின் ராஸ் டெய்லர் 6-வது இடத்திற்கும் பின்தங்கியுள்ளனர். ரோகித் சர்மா 4-வது இடத்தில் உள்ளார்.
    Next Story
    ×