உலகக்கோப்பை கால்பந்து தொடரின் இறுதிப் போட்டி இந்திய நேரப்படி இன்றிரவு 8.30 மணிக்கு தொடங்கியது. இதில் பிரான்ஸ் - குரோசியா அணிகள் பலப்பரீட்சை நடத்தி வருகின்றன. ஆட்டம் தொடங்கியது முதல் இரு அணி வீரர்களும் கோல் அடிப்பதற்கு பெரிய அளவில் ஆர்வம் காட்டவில்லை.
8-வது நிமிடத்தில் குரோசியாவிற்கு கார்னர் வாய்ப்பு கிடைத்தது. அதை எளிதாக பிரான்ஸ் வீரர்கள் முறியடித்தனர். அதன்பின் வலது கார்னர் அருகில் இருந்து அடித்த பந்தை ராகிடிச் தலையால் முட்டி முயற்சி செய்தார். ஆனால் பலனளிக்கவில்லை. 11-வது நிமிடத்தில் மிட்பீல்டர் பகுதியில் இருந்து தூக்கி அடித்த பந்தை பெரிசிச் தடுக்க முயன்றார். ஆனால் பந்து காலில் பட்டு ஆப்சைடு சென்றுவிட்டது. பிரான்ஸ் வீரர்களிடம் இருந்து எந்த முன்னேற்றமும் இல்லை.
14-வது நிமிடத்தில் பெர்சிச் பந்தை சிறப்பாக கொண்டு சென்றார். அனால் உமிதித் அதை தடுத்தார். 17-வது நிமிடத்தில் பிரான்ஸிற்கு ப்ரீ ஹிக் வாய்ப்பு கிடைத்தது. இதை சரியாக பயன்படுத்திய பிரான்ஸ்க்கு கோல் கிடைத்தது. தலையால் முட்டி தடுக்க முயன்றார் குரோசியா வீரர் மேண்ட்சுகிச். ஆனால் அவரது தலையில் பந்து பட்டு கோல் எல்லைக்குள் புகுந்தது. இதனால் ஓன் கோல் மூலம் பிரான்ஸ் 1-0 என முன்னிலைப் பெற்றது.
ஆட்டத்தின் 27-வது நிமிடத்தில் குரோசியாவிற்கு ப்ரீ ஹிக் வாய்ப்பு கிடைத்தது. இந்த வாய்ப்பை குரோசியா வீரர் தூக்கி அடிக்காமல் தந்திரமாக வலது பக்கம் கார்னர் திசைக்கு தட்டிவிட்டார். அவர் பந்தை ஹெட்டருக்கு ஏற்ற வகையில் மெதுவாக தூக்கி அடித்தார். பந்து பிரான்ஸ் கோல் எல்லைக்குள் அங்குஇங்குமாக சென்றது. பின்னர் விடா காலிற்குச் சென்றது. அவர் அருகில் நின்ற பெரிசிச்சிடம் அனுப்பினார். அவர் புயல் வேகத்தில் பந்தை உதை்தார். பிரான்ஸ் கோல் கீப்பரை ஏமாற்றி வலது பக்க கம்பம் அருகிலோடு கோல் எல்லைக்குள் புகுந்தது. இதனால் ஸ்கோர் 1-1 என சமநிலைப் பெற்றது.
38-வது நிமிடத்தில் பிரான்ஸ்க்கு கார்னர் வாய்ப்பு கிடைத்தது. அப்போது பிரான்ஸ் வீரர் கார்னரில் இருந்த அடித்த பந்தை குரோசியா வீரர் பெர்சிக் தலையால் முட்டி தடுக்க முயன்றார். அப்போது ஏதிர்பாரத விதமாக பந்து பெர்சிக் கையில் பட்டது. இதனால் பெனால்டி வாய்ப்பிற்கு பிரான்ஸ் வீரர்கள் முறையிட்டனர். நடுவர் VAR மூலம் ஆராய்ந்து பெனால்டி வாய்ப்பு கொடுத்தார்.
பிரான்ஸ் வீரர் கிரிஸ்மான் பெனால்டி வாய்ப்பை பயன்படுத்தி கோல் அடித்தார். இதனால் பிரான்ஸ் 2-1 என முன்னிலைப் பெற்றது. அதன்பின் 45 நிமிடம் வரை இரு அணி வீரர்களும் கோல் அடிக்கவில்லை. இதனால் முதல் பாதி நேரத்தில் பிரான்ஸ் 2-1 என முன்னிலையில் உள்ளது.
