வங்காள தேசத்திற்கு எதிரான 2-வது டெஸ்ட்- வெஸ்ட் இண்டீஸ் அணியில் ஜோசப் அல்சாரி சேர்ப்பு

வங்காள தேச கிரிக்கெட் அணி வெஸ்ட் இண்டீஸில் சுற்றுப் பயணம் விளையாடி வருகிறது. இரண்டு போட்டிகள் கொண்ட டெஸ்ட் தொடரின் முதல் ஆட்டம் ஆன்டிகுவா நார்த் சவுண்டில் நடைபெற்றது. இதில் வெஸ்ட் இண்டீஸ் இன்னிங்ஸ் மற்றும் 219 ரன்கள் வித்தியாசத்தில் அபார வெற்றி பெற்றது.

முதல் இன்னிங்சில் வங்காள தேசம் 43 ரன்னில் சுருண்டது. வெஸ்ட் இண்டீஸ் வேகப்பந்து வீச்சாளர் கேமர் ரோச் 12 பந்தில் ஐந்து விக்கெட்டுக்கள் கைப்பற்றி சாதனைப் படைத்தார்.



இந்த போட்டியின்போது கேமர் ரோச்சிற்கு காயம் ஏற்பட்டது. இதனால் நாளை தொடங்க இருக்கும் 2-வது டெஸ்டில் கேமர் ரோச்சிற்கு ஓய்வு அளிக்கப்பட்டுள்ளது. அவருக்குப் பதிலாக இளம் வீரரான ஜோசப் அல்சாரி வெஸ்ட் இண்டீஸ் அணியில் சேர்க்கப்பட்டுள்ளார்.