search icon
என் மலர்tooltip icon

    செய்திகள்

    ஆஸ்திரேலியா தொடரில் விராட் கோலியால் ஒரு சதம் கூட அடிக்க முடியாது- கம்மின்ஸ்
    X

    ஆஸ்திரேலியா தொடரில் விராட் கோலியால் ஒரு சதம் கூட அடிக்க முடியாது- கம்மின்ஸ்

    விராட் கோலியால் ஆஸ்திரேலியா தொடரில் ஒரு சதம் கூட அடிக்க முடியாது என கம்மின்ஸ் தெரிவித்துள்ளார். #AUSvIND #ViratKohli
    இந்திய கிரிக்கெட் அணி இந்த வருடம் இறுதியில் ஆஸ்திரேலியா சென்று நான்கு போட்டிகள் கொண்ட டெஸ்ட் தொடரில் விளையாட இருக்கிறது. இந்த தொடரில் ஸ்மித், வார்னர் ஓராண்டு தடையால் விளையாட முடியாது. அதேவேளையில் விராட் கோலி தலைமையிலான இந்திய டெஸ்ட் அணி சரியான கலவையில் இருப்பதால் இந்த முறை தொடரை வெல்ல வாய்ப்புள்ளதாக கருதப்படுகிறது.

    இந்நிலையில் மிட்செல் ஸ்டார்க், ஹசில்வுட், நாதன் லயன் கூட்டணியுடன் பந்து வீசி வரும் வேகப்பந்து வந்து வீச்சாளர் பேட் கம்மின்ஸ், இந்த முறை விராட் கோலியால் ஒரு சதம் கூட அடிக்க இயலாது என்று தெரிவித்துள்ளார்.

    இதுகுறித்து பேட் கம்மின்ஸ் கூறுகையில் ‘‘என்னுடைய தைரியமான, போல்டான கணிப்பு என்னவென்றால், விராட் கோலியால் இந்த முறை ஒரு சதம் கூட அடிக்க இயலாது என்பதுதான். அவர்களை எதிர்கொண்டு துவம்சம் செய்ய தயாராகி வருகிறோம்’’ என்று தெரிவித்துள்ளார்.



    விராட் கோலி 2014-15 சீசனில் ஆஸ்திரேலியாவிற்கு எதிராக நான்கு சதங்கள் விளாசினார். நான்கு டெஸ்டில் 692 ரன்கள் குவித்தார். சராசரி 86.50 ஆகும். அதேவேளையில் இந்தியாவில் நடைபெற்ற டெஸ்ட் தொடரின் போது மூன்று டெஸ்டில் 46 ரன்கள் மட்டுமே எடுத்திருந்தார்.  
    Next Story
    ×