search icon
என் மலர்tooltip icon

    செய்திகள்

    ஹாக்கி சாம்பியஸ் கோப்பை - அறிமுக ஆட்டத்தில் பாகிஸ்தானை வீழ்த்தியது இந்தியா
    X

    ஹாக்கி சாம்பியஸ் கோப்பை - அறிமுக ஆட்டத்தில் பாகிஸ்தானை வீழ்த்தியது இந்தியா

    நெதர்லாந்து நாட்டில் இன்று தொடங்கிய ஹாக்கி சாம்பியஸ் கோப்பை தொடரின் அறிமுக ஆட்டத்தில் இந்தியா, பாகிஸ்தானை 4-0 என வீழ்த்தியது. #HCT2018 #INDvPAK #PAKvIND

    ப்ரீடா:

    சாம்பியஸ் கோப்பை ஹாக்கி தொடர் நெதர்லாந்து நாட்டின் ப்ரீடா நகரில் இன்று தொடங்கியது. இதில் இந்தியா, பாகிஸ்தான், அர்ஜெண்டினா, ஆஸ்திரேலியா, பெல்ஜியம், நெதர்லாந்து ஆகிய ஆறு அணிகள் கலந்துகொண்டுள்ளன. இன்று நடைபெற்ற முதல் லீக் ஆட்டத்தில் தரவரிசையில் ஆறாவது இடத்தில் இருக்கும் இந்தியா, 13-வது இடத்தில் இருக்கும் பாகிஸ்தான் அணியை எதிர்கொண்டது.

    இப்போட்டி தொடங்கியதில் இருந்தே இந்திய வீரர்கள் சிறப்பான ஆட்டத்தை வெளிகாட்டினர். இரண்டாவது கால் பகுதிநேர ஆட்டத்தில் இந்திய வீரர் ரமந்தீப் சிங் இந்திய அணிக்காக முதல் கோல் அடித்தார். பாகிஸ்தான் அணியினர் முதல் பாதிநேர ஆட்டத்தில் இந்தியா 1-0 என முன்னிலை வகித்தது.



    அதைத்தொடர்ந்து இரண்டாவது பாதிநேர ஆட்டம் நடைபெற்றது. அதன் முதல் கால் பகுதிநேர ஆட்டத்தில் எந்த அணியும் கோல் அடிக்கவில்லை. இதனால் ஆட்டம் இந்தியாவுக்கு சாதகமாகவே அமைந்தது. இதனால் கடைசி 15 நிமிட ஆட்டத்தில் இந்திய அணியினர் அதிரடியாக விளையாடினர். 

    கடைசி நேர ஆட்டத்தின்போது இந்திய வீரர் தில்பிரீத் சிறப்பான முறையில் ஒரு கோல் அடித்தார். சிறிது நேரத்தில் மந்தீப் இந்தியாவுக்காக அடுத்த கோல் அடித்தார். இதனால் இந்தியா 3-0 என முன்னிலை பெற்றது. இறுதிநிமிட ஆட்டத்தில் ரமந்தீப் ஒரு கோல் அடித்தார். பாகிஸ்தான் அணியினர் இறுதி ஒரு கோல் கூட அடிக்கவில்லை. இதனால் இந்திய அணி 4-0 என்ற கோல் கணக்கில் அபாரமாக வெற்றி பெற்றது. 

    இந்தியா நாளை நடைபெறும் ஆட்டத்தில் அர்ஜெண்டினாவை எதிர்கொள்கிறது. #HCT2018 #INDvPAK #PAKvIND
    Next Story
    ×