ஹாக்கி தொடர்- கடைசி போட்டியில் ஸ்பெயினை துவம்சம் செய்து தொடரை சமன் செய்தது இந்தியா

இந்திய பெண்கள் ஹாக்கி அணி ஸ்பெயின் சென்று ஐந்து போட்டிகள் கொண்ட தொடரில் விளையாடியது. முதல் நான்கு போட்டிகள் முடிவில் இந்தியா 1-2 என பின்தங்கியிருந்தது.

இந்நிலையில் 5-வது மற்றும் கடைசி ஆட்டம் நேற்று மாட்ரிட்டில் உள்ள ஹாக்கி மைதானத்தில் நடைபெற்றது. இதில் இந்தியா 4-1 என ஸ்பெயினை துவம்சம் செய்து தொடரை 2-2 என சமன் செய்தது.



ராணி 33-வது நிமிடத்திலும், 37-வது நிமிடத்திலும் அடுத்தடுத்து கோல் அடித்தார். அதேபோல் குர்ஜித் கவுர் 44-வது மற்றும் 50-வது நிமிடத்திலும் கோல் அடிக்க இந்தியா 4-0 என வலுவான முன்னிலைப் பெற்றது. அதன்பின் 58-வது நிமிடத்தில் ஸ்பெயின் அணியின் லோலா ரியேரா 58-வது நிமிடத்தில் ஆறுதல் கோல் அடிக்க இந்தியா 4-1 என வெற்றி பெற்றது.