என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
செய்ண்ட் லூசியா டெஸ்ட் - 2ம் நாள் ஆட்டநேர முடிவில் வெஸ்ட்இண்டீஸ் 118/2
Byமாலை மலர்15 Jun 2018 10:43 PM GMT (Updated: 15 Jun 2018 10:43 PM GMT)
இலங்கை அணிக்கு எதிரான இரண்டாவது டெஸ்ட் போட்டியின் 2-ம் நாள் ஆட்டநேர முடிவில் வெஸ்ட்இண்டீஸ் அணி 2 விக்கெட் இழப்பிற்கு 118 ரன்கள் எடுத்துள்ளது. #WIvSL #SLvWI
செய்ண்ட் லூசியா:
வெஸ்ட்இண்டீஸ் சென்றுள்ள இலங்கை அணி 3 போட்டிகள் கொண்ட டெஸ்ட் தொடரில் விளையாடி வருகிறது. முதல் போட்டியில் வெஸ்ட்இண்டீஸ் அணி அபாரமாக வெற்றி பெற்றது. இந்நிலையில் இரண்டாவது டெஸ்ட் போட்டி நேற்று முன்தினம் தொடங்கியது. இதில் டாஸ் வென்ற இலங்கை அணி பேட்டிங் தேர்வு செய்தது.
இலங்கை அணி முதல் இன்னிங்சில் 253 ரன்களுக்கு ஆல்-அவுட் ஆனது. இலங்கை அணியில் சந்திமால் 119 ரன்கள், குசால் மெண்டிஸ் 45 ரன்கள் எடுத்தனர். வெஸ்ட்இண்டீஸ் அணி பந்துவீச்சில் ஷனான் கேப்ரியல் 5 விக்கெட்களும், கெமார் ரோச் 4 விக்கெட்களும் வீழ்த்தினர்.
இதையடுத்து வெஸ்ட்இண்டீஸ் அணி முதல் இன்னிங்சில் பேட்டிங் செய்தது. தொடக்க ஆட்டக்காரர்களாக கிரேக் பிராத்வெய்ட், டெவான் ஸ்மித் ஆகியோர் களமிறங்கினர். முதல் நாள் ஆட்டநேர முடிவில் வெஸ்ட்இண்டீஸ் அணி 2 ஓவர்களில் 2 ரன்கள் எடுத்திருந்தது.
இந்நிலையில் நேற்று இரண்டாம் நாள் ஆட்டம் நடைபெற்றது. கிரேக் பிராத்வெய்ட் 22 ரன்கள் எடுத்து ஆட்டமிழந்தார். அதன்பின் கெய்ரான் பவல் களமிறங்கினார். இந்த ஆட்டத்தின் இடையில் மழை குறுக்கிட்டது. இதனால் ஆட்டம் பாதிக்கப்பட்டது. மழை நின்ற பின் மீண்டும் ஆட்டம் தொடங்கியது. அப்போது நிதானமாக விளையாடிவந்த பவல் 27 ரன்களில் ஆட்டமிழந்தார்.
அவரைத்தொடர்ந்து ஷாய் ஹோப் களமிறங்கினார். சிறப்பாக விளையாடிவரும் ஸ்மித் அரைசதம் அடித்தார். இரண்டாம் நாள் ஆட்டநேர முடிவில் வெஸ்ட்இண்டீஸ் அணி 44.3 ஓவர்களில் 2 விக்கெட் இழப்பிற்கு 118 ரன்கள் எடுத்துள்ளது. ஸ்மித் 53 ரன்களுடனும், ஹோப் 2 ரன்களுடனும் களத்தில் இருந்தனர். இலங்கை அணி பந்துவீச்சில் கசுன் ரஜிதா, லஹிரு குமாரா ஆகியோர் தலா ஒரு விக்கெட் வீழ்த்தினர்.
வெஸ்ட்இண்டீஸ் அணி முதல் இன்னிங்சில் இன்னும் 135 ரன்கள் பின்தங்கிய நிலையில் உள்ளது. #WIvSL #SLvWI
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X