புதுடெல்லி:
ஐபிஎல் தொடரின் 52-வது லீக் ஆட்டம் டெல்லி பெரோஸ் ஷா கோட்லா மைதானத்தில் நேற்று நடைபெற்றது. இதில் டெல்லி டேர்டெவில்ஸ் - சென்னை சூப்பர் கிங்ஸ் அணிகள் பலப்பரீட்சை நடத்தின.
சென்னை சூப்பர் கிங்ஸ் கேப்டன் எம்எஸ் டோனி டாஸ் வென்று பந்து வீச்சு தேர்வு செய்தார். அதன்படி முதலில் பேட்டிங் செய்த டெல்லி டேர்டெவில்ஸ் அணி 20 ஓவரில் 5 விக்கெட் இழப்பிற்கு 162 ரன்கள் எடுத்தது. தொடர்ந்து பேட்டிங் செய்த சென்னை அணி 20 ஓவர்கள் முடிவில் 6 விக்கெட் இழப்பிற்கு 128 ரன்கள் எடுத்தது. இதனால் டெல்லி அணி 34 ரன்கள் வித்தியாசத்தில் வெற்றி பெற்றது.
இப்போட்டியில் சென்னை அணி பேட்ஸ்மேன் அம்பதி ராயுடு 29 பந்துகளில் அரைசதம் அடித்தார். நேற்றைய போட்டியில் ராயுடு 49 ரன்கள் எடுத்தபோது ஐபிஎல் போட்டிகளில் 3 ரன்களை கடந்தார். இதுவரை 127 போட்டிகளில் விளையாடியுள்ள அம்பதி ராயுடு 3001 ரன்கள் எடுத்துள்ளார். இந்த சீசனில் 13 போட்டிகளில் விளையாடியுள்ள அவர் 585 ரன்கள் குவித்துள்ளார். #IPL2018 #DDvCSK #VIVOIPL #AmbatiRayudu
