இந்தியா - தென்ஆப்பிரக்கா இடையிலான மூன்று வகை கிரிக்கெட் தொடர் நேற்றோடு முடிவடைந்தது. டெஸ்ட் தொடரை 1-2 என இழந்த இந்தியா, ஒருநாள் தொடரை 5-1 எனவும், டி20 தொடரை 2-1 எனவும் இந்தியா கைப்பற்றியது.
டெஸ்ட் தொடர் கடும் சவாலாக இருந்தது. தென்ஆப்பிரிக்கா இரு போட்டியிலும் கடும் சவாலுக்கு பின்னரே வென்றது. இந்த தொடரில் புவனேஸ்வர் குமார் சிறப்பான பந்து வீச்சை வெளிப்படுத்தினார். தென்ஆப்பிரிக்கா தொடரில் சிறப்பாக விளையாடிய நாங்கள், இங்கிலாந்து மற்றும் ஆஸ்திரேலியா தொடரிலும் சிறப்பான சவாலை கொடுத்த தயாராக இருக்கிறோம் என புவனேஸ்வர் குமார் கூறியுள்ளார்.
இதுகுறித்து புவனேஸ்வர் குமார் கூறுகையில் ‘‘நாங்கள் பேராசைப்பட விரும்பவில்லை. இரு தொடரில் வெற்றி பெற்றது மகிழ்ச்சியளிக்கிறது. அடுத்தமுறை மூன்று தொடரையும் கைப்பற்றுவோம் என்ற நம்பிக்கை உள்ளது. இந்த தொடர் மிகவும் அருமையானது. குறிப்பாக டெஸ்ட் தொடர்.
நாங்கள் முதல் இரண்டு டெஸ்ட் போட்டிகளில் தோல்வியடைந்தோம். ஆனால், கடும் சவாலுக்கு பின்னரே அவர்களால் வெற்றி பெற முடிந்தது. நாங்கள் 3-0 எனத் தோற்றிருக்க வேண்டும். ஆனால் 2-1 எனத் தொடரை முடித்தோம். நாங்கள் விளையாடிய வகையில், இந்த தொடர் எங்களுக்கு சிறந்த நம்பிக்கை கொடுத்துள்ளது. நாங்கள் இங்கிலாந்து மற்றும் ஆஸ்திரேலியா செல்ல தயாராக இருக்கும். தென்ஆப்பிரிக்கா தொடரைக் காட்டிலும் சிறப்பான ஆட்டத்தை வெளிப்படுத்துவோம்’’ என்றார்.
