ஸ்பெயின் நாட்டில் உள்ள கால்பந்து கிளப்புகளுக்கு இடையில் நடைபெற்று வரும் லா லிகா தொடரின் இந்த வாரப் போட்டிகளில் பார்சிலோனா, ரியல் மாட்ரிட் அணிகள் களம் இறங்கினத. ஒரு ஆட்டத்தில் ரியல் மாட்ரிட் ரியல் பெட்டிஸ் அணியை எதிர்கொண்டது. இந்த ஆட்டத்தில் 8 கோல்கள் அடிக்கப்பட்டன. சொந்த மைதானத்தில் ரியல் பெட்டின் அணி சிறப்பான ஆட்டத்தை வெளிப்படுத்தி 3 கோல்கள் அடித்தது. இருந்தாலும் ரியல் மாட்ரிட் 5 கோல்கள் அடித்தது.
நட்சத்திர வீரர் ரொனால்டோ 65-வது நிமிடத்தில் கோல் அடித்தார். மார்கோ அசென்சியோ 11-வது மற்றும் 59-வது நிமிடத்தில் இரண்டு கோல்கள் அடித்தார். செர்ஜியோ ரமோஸ் 50-வது நிமிடத்திலும், பென்சிமா 92-வது நிமிடத்திலும் கோல் அடித்தனர்.
மற்றொரு ஆட்டத்தில் அட்லெடிகோ டி மாட்ரிட் - அத்லெடிக் கிளப் அணிகள் மோதின. இதில் அட்லெடிகோ டி மாட்ரிட் 2-0 என வெற்றி பெற்றது. டியேகோ கோஸ்டா 80-வது நிமிடத்திலும், கேமிய்ரோ 67-வது நிமிடத்திலும் கோல் அடித்தனர். மற்றொரு ஆட்டத்தில் ரியல் சோசியேடாட் - லெவன்டே அணிகள் மோதின. இதில் 3-0 என ரியல் சோசியேடாட் என வெற்றி பெற்றது.
மலாகா சிஎஃப் - வாலென்சியா இடையிலான ஆட்டத்தில் 2-1 என வாலென்சியாக வெற்றி பெற்றது. டெபோர்ட்டிவோ அணியை 1-0 என அலெவ்ஸ், எய்பரை 2-0 என பார்சிலோனா, லாஸ் பல்மாஸ் அணியை 2-1 என செவியாவும், ஜிரோனாவை 3-0 என லெகேன்ஸ் அணியும் வெற்றி பெற்றது. #Laliga #Realmadrid #Barcelona
