U19 உலகக்கோப்பை கிரிக்கெட் தொடர் நியூசிலாந்தில் நடைபெற்று வருகிறது. இன்று இரண்டு லீக் ஆட்டங்கள் நடைபெற்றன. ஒரு லீக் ஆட்டத்தில் சி பிரிவில் இடம்பிடித்துள்ள இங்கிலாந்து - நிமிபியா அணிகள் மோதின.
டாஸ் வென்ற நமிபியா அணி பேட்டிங் தேர்வு செய்தது. 50 ஓவர்கள் தாக்குப்பிடித்த நமிபியா 9 விக்கெட் இழப்பிற்கு 196 ரன்கள் எடுத்தது.
பின்னர் 199 ரன்கள் எடுத்தால் வெற்றி என்ற இலக்குடன் களம் இறங்கிய இங்கிலாந்து 24.1 ஓவரில் 2 விக்கெட் இழப்பிற்கு 198 ரன்கள் எடுத்து 8 விக்கெட் வித்தியாசத்தில் வெற்றி பெற்றது. கேப்டன் ப்ரூக் 59 ரன்களும், ஜேக்ஸ் 73 ரன்களும் எடுத்து ஆட்டமிழக்காமல் இருந்தனர்.
மற்றொரு லீக் ஆட்டத்தில் இதே பிரிவில் இடம்பிடித்துள்ள வங்காள தேசம் - கனடா அணிகள் மோதின.
முதலில் பேட்டிங் செய்த வங்காள தேசம் 8 விக்கெட் இழப்பிற்கு 264 ரன்கள் சேர்த்தது. தாவித் ஹ்ரிடாய் 122 ரன்கள் அடித்தார். அபிஃப் ஹொசைன் அரைசதம் அடித்தார்.
பின்னர் 265 ரன்கள் எடுத்தால் வெற்றி என்ற இலக்குடன் கனடா அணி களம் இறங்கியது. அந்த அணி 49.3 ஓவரில் 198 ரன்கள் எடுத்து ஆல்அவுட் ஆனது. இதனால் வங்காள தேசம் 66 ரன்கள் வித்தியாசத்தில் வெற்றி பெற்றது. அபிஃப் ஹொசைன் 5 விக்கெட்டுக்கள் வீழ்த்தினார். #U19CWC #ENGU19 #BANU19
